Bermudian Landing

Wapen/Flagg	Koort
Basisdaten
Distrikt: Belize
Inwahners:	183 (2010-00-002010)
Geograafsche Laag:	Koordinaten:17° 33′ N, 88° 32′ W17° 33′ N, 88° 32′ W

Bermudian Landing is en Gemeen in’n Distrikt Belize von dat Land Belize.

Geografie

Straat in Bermudian Landing

De Belize River von Bermudian Landing ut na Süden keken

De Oort liggt an dat Westöver von’n Belize River un in dat Community Baboon Sanctuary. Na Noorden to liggt dat Crooked Tree Wildlife Sanctuary.

De Naveröörd sünd Flowers Bank in’n Noordoosten, Scotland Halfmoon un Burrell Boom in’n Oosten, Tropical Park, Hattieville un Rockville in’n Süüdoosten, Jih Chan in’n Süden, Double Head Cabbage un Rancho Dolores in’n Süüdwesten un Lemonal in’n Noordwesten.

Historie

Oold Schild an’n Oortsingang (2013)

Nöömt is de Oort na dat Bermudagras (Cynodon dactylon), dat de Holtfällers, de toeerst in düsse Gegend kemen, seit hebbt, üm de Ossen to fodern, mit de se Boomstämm ut’n Busch tagen hebbt.

Inwahnertall

Johr	Inwahners
2000-00-002000[1]	204 Lüüd, 44 Huushollen
2010-00-002010[2]	183 Lüüd, 43 Huushollen

Weertschop un Infrastruktur

De Oort hett dör en Projekt von de Caribbean Development Bank tohoop mit de Regeren von Belize un Belize Water Services, dat von 2015 bet 2017 güng, Togang to fleten Water kregen.^[3]

Verkehr

De Straat dör Bermudian Landing föhrt in’n Westen na Double Head Cabbage un Rancho Dolores un in’n Oosten över Scotland Halfmoon na Burrell Boom an’n Burrell Boom Cutoff. De Cutoff löppt in’n Noordoosten na’n Philip Goldson Highway un in’n Süden na’n George Price Highway bi Hattieville.

Footnoten

1. Zensus 2000 (PDF) von dat Central Statistical Office of Belize
2. Zensus 2010 (PDF) von dat Statistical Institute of Belize
3. Changing lives through water: the Belize River Valley story, Caribbean Development Bank an’n 10. November 2017

Weblenken

Bermudian Landing. Mehr Biller, Videos oder Audiodateien to’t Thema gifft dat bi Wikimedia Commons.

Gemenen von’n Distrikt Belize in Belize

Belize-Stadt | Bermudian Landing | Biscayne | Boston | Burrell Boom | Caye Caulker | Crooked Tree | Double Head Cabbage | Flowers Bank | Gales Point | Gardenia | Gracie Rock | Hattieville | Isabella Bank | La Democracia | Ladyville | Lemonal | Lords Bank | Lucky Strike | Mahogany Heights | Maskall | Rancho Dolores | Rock Stone Pond | San Pedro Town | Sand Hill | Santana | Scotland Halfmoon | St. George’s Caye | St. Paul’s Bank | Willows Bank