More Tomorrow is en Gemeen in’n Distrikt Cayo in Belize.
Geografie
De Oort liggt an dat Süüdöver von’n Belize River. In’n Noorden doot dat Labouring Creek Jaguar Corridor Wildlife Sanctuary, dat Spanish Creek Wildlife Sanctuary un de Rio Bravo Conservation and Management Area liggen.
De Naveröörd sünd Rancho Dolores un Double Head Cabbage in’n Noordoosten, Mahogany Heights un La Democracia in’n Oosten, St. Matthew’s un Beaver Dam in’n Süüdoosten, Cotton Tree un Belmopan in’n Süüdwesten un Valley of Peace in’n Westen.
Historie
En Oort More Tomorrow kummt al 1793 in ole Oorkunnen vör. Dat weer to de Tied en Lagerplatz von de Mahagoni-Holtfällers, de langs den Belize River aktiv weren.
Bet in de Johren 1960 is dat man en lierlütten Oort bleven, de blots ut en Handvull Hüüs bestünn. 1963 keem Charles X. Eagan na More Tomorrow, de ok in de United Black Association for Development aktiv weer. He hett dor dull to bidragen, dat dor en Dörp von worrn is. De Oort hett 1966 sien eersten Dörpraad (Village Council) kregen. Ok de eerste School is ut düsse Tied.
Inwahnertall
| Johr |
Inwahners
|
| 2000-00-002000[1] |
120 Lüüd, 29 Huushollen
|
| 2010-00-002010[2] |
154 Lüüd, 28 Huushollen
|
Weertschop un Infrastruktur
Verkehr
De eenzigen Straten ut’n Oort rut föhrt in’n Süden na Cotton Tree un Beaver Dam an’n George Price Highway, de in’n Süüdwesten över Belmopan un San Ignacio/Santa Elena na Benque Viejo del Carmen un an de Grenz von Guatemala löppt un in’n Noordoosten över Hattieville na Belize-Stadt. Von Belmopan ut föhrt de Hummingbird Highway na Dangriga.
De nächste Flegerplatz is de Hector Silva Airstrip in Belmopan.
Scholen
De Oort hett en egen Grundschool.
- ↑ Zensus 2000 (PDF) von dat Central Statistical Office of Belize
- ↑ Zensus 2010 (PDF) von dat Statistical Institute of Belize
