डिसेंबर २०२० मध्ये क्रिकेट दक्षिण आफ्रिकेने संघ पाकिस्तानचा दौरा करणार याची पुष्टी केली. दक्षिण आफ्रिका संघ निवडसमितीने क्विंटन डी कॉकला कसोटी कर्णधार केले तर ट्वेंटी२० मालिकेसाठी हेन्रीच क्लासेनला कर्णधार केले गेले. दौऱ्यातील पहिली कसोटी कराचीमध्ये, दुसरी कसोटी रावळपिंडीत तर तिन्ही आंतरराष्ट्रीय ट्वेंटी२० सामने लाहोर येथे होतील असे पाकिस्तान क्रिकेट बोर्डाने जाहीर केले.
पाकिस्तानने कसोटी मालिका २-० अशी जिंकली. ऑक्टोबर २००३ नंतर पाकिस्तानने प्रथमच दक्षिण आफ्रिकेविरुद्ध कसोटी मालिका जिंकली. आंतरराष्ट्रीय ट्वेंटी२० मालिकेत पाकिस्तानने २-१ असा विजय मिळवला.
