Чифлик (Кочанско)

За други истоимени места, погледајте Чифлик (појаснување).

Чифлик
Чифлик Местоположба на Чифлик во Македонија Чифлик на карта
Координати 41°52′8″N 22°19′2″E
Општина	Чешиново-Облешево
Население	545 жит. (поп. 2021)[1]
Шифра на КО	13046
Надм. вис.	291 м
Чифлик на општинската карта Атарот на Чифлик во рамките на општината
Чифлик на Ризницата

Чифлик — село во Општина Чешиново-Облешево, во околината на градот Кочани.

Географија и местоположба

Селото Чифлик се наоѓа во Кочанската Котлина, оддалечено 11 километри западно од Кочани. Покрај селото тече реката Брегалница.

Историја

На крајот на XIX век селото било дел од Кочанската каза на Отоманското Царство.

Стопанство

Главна стопанска гранка во селото е земјоделството.

Население

Население во минатото

Година Нас. ±% 1948 392 —     1953 459 +17.1% 1961 623 +35.7% 1971 610 −2.1% 1981 688 +12.8%	Година Нас. ±% 1991 744 +8.1% 1994 704 −5.4% 2002 667 −5.3% 2021 545 −18.3%

Според статистиката на Васил К’нчов („Македонија, Етнографија и статистика“) од 1900 година, во Пашаџик Полски (Чифлик)живееле 220 жители, сите Македонци.^[2] Според егзархискиот секретар Димитар Мишев, („La Macédoine et sa Population Chrétienne“) во 1905 година во Чифлик имало 304 Македонци, под врховенството на Бугарската егзархија.^[3]

Според германска карта издадена во 1941 година, а заснована на пописот на Кралството Југославија од 1931 година, селото имало 250 Македонци.^[4]

Според пописот од 2002 година, селото имало население од 667 жители, 666 Македонци и 1 Србин.^[5]

Според последниот попис од 2021 година, во селото живееле 545 жители, од кои 511 Македонци и 34 лица без податоци.^[6]

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	220	304	392	459	623	610	688	744	704	667	545

Извор за 1900 г.: Македонија. Етнографија и статистика.^[7]; за 1905 г.: La Macédoine et sa Population Chrétienne.^[8]; за 1948-2002 г.: Државен завод за статистика на РМ.^[9]; за 2021 г.: Државен завод за статистика на РМ.^[10]

Родови

Чифлик е македонско село.

Според истражувањата од 1960 година, родови во селото се:

• Староседелци: Табаци (11 к.), Ќеримци или Јанковци (9 к.), Пачаризи (8 к.) и Бошковци (4 к.) они порано живееле во старото село. Табаци и Бошковци порано биле еден род, во родот Ќеримци некој човек се оженил со православна Ромка, и затоа во овој род и сега има некои луѓе со темна боја на кожата.
• Доселеници: Трогерчанци (5 к.) доселени се од селото Трогерци кај Штип; Златановци (5 к.) доселени се од селото Чешиново, таму биле род со Кашовци; Неделковци (6 к.) доселени се од селото Ерџелија во Овче Поле; Шоневци (3 к.) доселени се од селото Спанчево; Припечанци (2 к.) доселени се од селото Припечани; Јаќимовци (1 к.) основачот на родот е доселен како посинет од селото Спанчево; Вардинци (5 к.) и Колевци (9 к.) доселени се, но не знаат од каде.^[11]

Самоуправа и политика

Избирачко место

Во селото постои избирачкото место бр. 885 според Државната изборна комисија, сместени во просториите на дом на културата.^[12]

На претседателските избори во 2019 година, на ова избирачко место биле запишани вкупно 537 гласачи.^[13]

Култура и спорт

• ФК Ревија (Чифлик)

Поврзано

• Кочанско Поле
• Општина Чешиново-Облешево
• Кочани

Наводи

1. „Пописна слика на населените места во Македонија, Попис 2021“. Државен завод за статистика. Посетено на 22 декември 2022.
2. Кънчов, Васил. „Македония. Етнография и статистика“. София, 1900, стр. 226.
3. Brancoff, D.M. La Macedoine et sa Population Chretienne, Paris, 1905, pp. 132-133.
4. „200K Volkstumskarte Jugoslawien“.
5. Попис на населението, домаќинствата и становите во Република Македонија, 2002 - Книга X
6. „Оваа категорија опфаќа лица коишто учествуваат во вкупното резидентно население, но поради нивно одбивање да бидат попишани, неможност да бидат најдени на својата адреса на живеење и непотполност во работата на попишувачите не биле официјално попишани, туку за нив податоците биле преземени од административни извори и затоа не учествуваат во изјаснувањето за етничка припадност, вероисповед и мајчин јазик (Прочитајте повеќе...).“
7. К’нчов, Васил. „Македонија. Етнографија и статистика“. Софија, 1900
8. Brancoff, D.M. „La Macédoine et sa Population Chrétienne“. Paris, 1905.
9. „Население по возраст и по пол, по населени места, според пописите спроведени во Република Македонија по Втората светска војна“. Државен завод за статистика.
10. „Вкупно резидентно население на Република Северна Македонија според етничката припадност, по населени места, Попис, 2021“. Државен завод за статистика.
11. Трифуноски, Јован (1970). Кочанска Котлина. Скопје: Универзитетска печатница.
12. „Описи на ИМ“. Архивирано од изворникот на 2023-08-17. Посетено на 3 ноември 2019.
13. „Претседателски избори 2019“. Архивирано од изворникот на 2019-12-29. Посетено на 3 ноември 2019.

Надворешни врски

• Сателитска снимка на Чифлик на Карти на Гугл