Типичен четиристран двор со капија од 1743 година кај езерцето во Плотендорф, што го карактеризира градскиот пејзаж
Областа околу реката Плајсе бил дел од огромно шумско подрачје, кое било населено од Словените. Замокот Алтенбург веќе постоел во 10 век. Во следните векови пристигнале германските доселувачи. Бил дел од грофовијата Мајсен во 14 век. Во тоа време поголемиот дел од шумите биле отсечени.
Градот Алтенбург и околината биле мало војводство Саксо-Алтенбург од 1826 до 1918; потоа кратко време била држава во Вајмарската Република, пред да биде распуштена во 1922 со цел да се создаде покраината Тирингија.
Округот во неговите денешни граници бил основан во 1922 под името „Алтенбург“. Во 1952 се спровела административна реформа и округот бил поделен на два дела, наречени Алтенбург и Шмелн. Повторно биле споени во 1994, но сега под името „Алтенбургер Ланд“.
Географија
Алтенбургер Ланд е најисточниот округ на Тирингија. Тој е главно земјоделска област. Главна река во округот е Плајсе, притока на Вајсе Елстер, преминувајќи низ округот од југ кон север. Ридот Остерланд е дел од северните падини на Рудните Планини, кои полека се спуштаат кон низините во источниот дел на Саксонија-Анхалт.
Грб
Грбот прикажува:
Црвената роза од грбот на градот Алтенбург
Лавот, кој бил симбол на владетелите од Плауен; имале големо влијание во областа во текот на 14 и 15 век
Црните и златните линии со зелен прстен бил грбот на саксонската династија Ветин
Црвениот желад ја претставува играта скат, која била измислена во Алтенбург
