PROFILBARU.COM

Iactus aquae apud portum Genavae in Lacu Lemano

Navis vaporaria *Genava* apud litus urbis Genavae circa annum 1925.

Genava^[1] vel Geneva^[2]^[3] (Francogallice Genève, Italiane Ginevra, Anglice Geneva, Theodisce Genf) est urbs in Helvetia et caput reipublicae et Helvetici cantonis eiusdem nominis.

Insigne

Signo heraldico urbis Genavae aquila coronata media clavisque videntur. Sententia sub stemmate Genavensi scribitur: "Post tenebras lux".

Geographia

Situs

Urbs Genava apud flumen Rhodanum exeuntem Lacu Lemano inter montes Iuram et Alpes sita est 375 metra super maris aequorem. In urbe flumen Arva a regione Sabaudiae Francicae oriens Rhodanum influit. Prope urbem mons Salevius 1380 metrorum eminet.

Structura Urbis

Civitas Genavae
Plana Palus
Fontes Vivi^[4] (Francogallice Eaux-Vives)
Saconnex

Historia

Aetas antiqua

Circa annum 500 a.C.n. regio Genavensis ab Allobrogibus habitata fuit unde vicus Romanorum nomine Augusta Allobrogum vocata fuit.

Gaius Iulius Caesar in libro Belli Gallici (Liber I, VI et VII) de urbe Genava scripsit:

Extremum oppidum Allobrogum est proximumque Helvetiorum finibus Genava. Ex eo oppido pons ad Helvetios pertinet. Allobrogibus sese vel persuasuros, quod nondum bono animo in populum Romanum viderentur, existimabant vel vi coacturos ut per suos fines eos ire paterentur. Omnibus rebus ad profectionem comparatis diem dicunt, qua die ad ripam Rhodani omnes conveniant. Is dies erat a. d. V. Kal. Apr. L. Pisone, A. Gabinio consulibus.

Caesari cum id nuntiatum esset, eos per provinciam nostram iter facere conari, maturat ab urbe proficisci et quam maximis potest itineribus in Galliam ulteriorem contendit et ad Genavam pervenit. Provinciae toti quam maximum potest militum numerum imperat (erat omnino in Gallia ulteriore legio una), pontem, qui erat ad Genavam, iubet rescindi.

Vide etiam: Monumenta Romana Genavae.

Medium aevum

Annis circa 400 ad 1536 in urbe sedes episcopi fuit. Apud ecclesiam cathedralem Genavae rudera archaeologica palatii episcopalis et ecclesiarum ab antiquo aetate reperta sunt.

Anno 563 inundatio Megacymae Taureduni vicos ad lacum et urbem Genavam devastavit.

Ineunte Medio aevo Genava caput regni Burgundiae fuit. Die 1 Augusti 1034 rex Romanorum Conradus II in ecclesia Genavensi adventum Burgundiae in Sacrum Imperium Romanum solemniter confirmavit.

Novum aevum

Ab anno 1526 Genava confoederatione cum urbibus Berna et Friburgo coniuncta fuit. Anno 1536 urbs se ad fidem reformatam convertit et sedes episcopalis apud Annecium (Francice "Annecy") translata est. Die 7 Augusti ipsius anni Genava foedus cum Berna contra ducem Sabaudiae fecit a quo Genava a saeculo XV iam minata erat.

Genavae ab anno 1541 usque ad mortem clarus Ecclesiae emendator Ioannes Calvinus vixit et urbem duxit.

Anno 1602 Sabaudici iterum urbem obsiderunt et moenia scalis ascendere coeperunt, sed die 11 Decembris profligati sunt. Adhuc hodie propter cladem Sabaudicorum feriae Bataille de l'Escalade celebrantur.

Anno 1815 Genava pagus Helvetiae facta est.

Scientia

Magnum particularum accelerator, quod est pars institutionis Europaenae CERN vocatae, Genavae ab anno 1954 situm est. Experimenta multa physicae quotannis ibi accurate fiunt, quibus comprehensionem physicae particularum minimarum legum valde augent. Genavae in aedibus CERN interrete inventum est. Quotannis, 25000 homines ex Europa videre veniunt.^[5]

Vide etiam: Schola Genevensis (Universitas Genavae).

Res oeconomicae

Genava est urbs commerciis, industria, societatibus editoriis atque multis argentariis affluens.

Genavae Rostra Genavae (Francice La Tribune de Genève) clarum diarium Helveticum editum est.

Commeatus

Navigatio

Navigationem Lacus Lemani ab portu Genavae gerit Societas generalis navigationis Lacus Lemani (CGN).

Sedes syndicatuum internationalium

Confoederatio Nationum

Annis 1919 ad 1946 Genavae Confoederationis Nationum sedis fuit.

Nationes Unitae

Post formationem Nationum Unitarum nonnullae institutiones eorum sedes urbe Genevae condiderunt, exempli gratia:

Conventus

Conventus Genavenses

Institutiones variae

Geneva sedes multorum syndicatuum mundanorum sunt, exempli gratia:

Institutiones urbis

Musea

Scholae

Clari cives

Gustavus Ador, orator ac dux consociationis internationalis crucis rubrae
Lucas Barthassat, homo politicus
Daniel Baud-Bovy, scriptor
Michael Besso, machinator
Theodorus Beza, theologus ac reformator ecclesiae
Felix Bloch, physicus
Petrus Edmundus Boissier, mathematicus
Carolus Bonnet, philosophus
Michaelina Calmy-Rey, mulier politica
Ioannes Calvinus, reformator Ecclesiae
Isaacus Casaubonus, scientiarum peritus
Ioannes-Iacobus Challet-Venel, magister et homo politicus
Ioannes Daniel Colladon, physicus
Robertus Cramer, homo politicus
Elias Ducommun, diurnarius et homo politicus
Ioannes Henricus Dunant, conditor Consilii internationalis crucis rubrae
Ernestus de Freyberg, societatum mercatoriarum dux et argentarius
Henricus Gage, homo politicus
Dionysius Gothofredus, iurum peritus
Alexander Hay, homo politicus
Ferdinandus Hodler, pictor
Hector Hodler, conditor UEA
Franciscus Huber, zoologus
Petrus Jaccoud, homo politicus
Michael Kafando, homo poliitcus
Hadrianus Lachenal, homo politicus
Dinu Lipatti, clavista et compositor
Christianus Lüscher, homo politicus
Liliana Maury Pasquier, rerum politicarum perita
Iacobus Necker, argentarius et homo politicus
Ioannes Piaget, psychologus et epistemologus
Edmundus Privat, diurnarius et historicus
Augustinus Pyramus de Candolle, scientiarum naturae peritus
Marcellus Raymond, scriptor
Maria Roth-Bernasconi, rerum politicarum perita
Ioannes Iacobus Russavius, philosophus, paedagogus et scriptor
Ferdinandus de Saussure, "pater" linguisticae vocatur
Alexander Schlicke, homo politicus
Michael Servetus, theologus
Ignatius Silone, scriptor
Ioanna Sutherland, supranus
Petrus Tirard, mercator
Manuel Tornare, homo politicus
Ioannes Tschumi, architectus
Simon van der Meer, physicus
Petrus Viret, theologus
Gulielmus Adolfus Visser 't Hooft , reformator ecclesiae
Ioannes Vogel, athleta, pedilusor
Ioannes Vuilleumier, scriptor

Pinacotheca

Urbs mediaevalis Genavae ad Lacum Lemanum
Flumen Rhodanus in Genava
Navis vaporaria Rhodanus ante deversoria Genavae
Moenia urbis veteris Genavae
Monumentum emendatorum ecclesiae
Rhodanus et Arva (ad dexteram) confluentes in urbe Genavae
Naves super flumen Rhodanum Genavae sub ponte
Rhodanus in urbe Genava, despectus ad montem Salevam
Viaeductus Genavae super Rhodanum

Nexus interni

Notae

↑ Ebbe Vilborg, Norstedts svensk-latinska ordbok, editio secunda (2009). "Genava" antepaenultimo acuitur, et nomini adiectivo "Genavensis".
↑ Iohannes Iacobus Hofmannus, Lexicon universale (1698) ~
↑ Siglum acronymum: GE.
↑ Nomen latinum anno 1442 attestatum est. Lexicon Historicum Helvetiae, nr. 3309.
↑ http://outreach.web.cern.ch/outreach/

Nexus externi

Vicimedia Communia plura habent quae ad Genavam spectant.

Bibliographia

Bonnet, Carolus. 1994. Les premiers monuments chrétiens de Genève. Bernae. ISBN 978-3-85782-195-0.
Philippus Broillet, Isabella Brunier (et al.) : Les monuments d’art et d’histoire du Canton de Genève. La Genève sur l’eau (Basel 1997), ISBN 3-909164-61-7.
Philippus Broillet, Isabella Brunier (et al.): Les monuments d’art et d’histoire du Canton de Genève. Genève, Saint Gervais: du Bourg au Quartier (Chêne–Bourg 2001), ISBN 3-906131-01-7.
Matthaeus de La Corbière, Isabella Brunier (et al.): Les monuments d’art et d’histoire du Canton de Genève. Genève, Ville forte (Hinterkappelen 2010), ISBN 978-3-906131-92-4.
C. Fontaine-Borgel: Histoire des communes genevoises de Vandoeuvres, Collonge-Bellevue, Cologny et des Eaux-Vives, 1890.
Blondel,Louis. 1919. Les Faubourgs de Genève au XVe siècle.
Ferrier, J.-P. 1931. La commune des E. de sa création à la fusion.
Borel, Charles. 1941. Die Schweiz und die Binnenschiffahrt. Genavae.
Kunz, Charlotte. 1982. Die Raddampfer des Lac Léman. Bernae. ISBN 3-85782-316-X.

Regiones Genavae


Civitas · Plana Palus · Eaux-Vives · Petit-Saconnex

Municipia Genavae

	Vexillum Genavae
Aeria Villa \| Anières \| Avully \| Avusy \| Bardonacum \| Bellevue \| Bernex \| Cartiniacum \| Céligny \| Chancy \| Chêne-Bougeries \| Choulex \| Coliacum-Bocium \| Collonge-Bellerive \| Cologny \| Cofiniacum \| Corsiacum \| Dardaniacum \| Geneva \| Genthod \| Gy \| Hermance \| Jussiacum \| Laconnex \| Lancy \| Le Grand Saconnex \| Meinier \| Meyrin \| Onex \| Perliacum-Sartoux \| Plan-les-Ouates \| Pregny-Chambésy \| Presingium \| Puplinge \| Quadruvium \| Quercus \| Russin \| Satigny \| Soral \| Thônex \| Triuniscum \| Vandœuvres \| Vernier \| Versoix \| Viriacum

Pagi Helvetiae


Turicum · Berna · Lucerna · Urania · Suitia · Subsilvania inferior · Subsilvania superior · Glarona · Tugium · Friburgum · Solodurum · Basilia Urbs · Basilia Rus · Scafusa · Abbatis Cella Interior · Abbatis Cella Exterior · Sanctogallum · Grisonia · Argovia · Turgovia · Ticinum · Pagus Valdensis · Valesia · Novicastrum · Genava · Iura Pagi Helvetiae