Уваравічы

Гарадскі пасёлак Уваравічы Дом культуры Герб Сцяг Краіна Беларусь Вобласць Гомельская Раён Буда-Кашалёўскі Сельсавет Уваравіцкі Каардынаты 52°35′48″ пн. ш. 30°43′35″ у. д.^HGЯO Першая згадка XV стагоддзе Гарадскі пасёлак з 1938 Плошча 4,790367 км²[1] Насельніцтва ▼2 132 чал. (1 студзеня 2024)[2] Часавы пояс UTC+3 Тэлефонны код 2336 Паштовы індэкс 247374 Аўтамабільны код 3 СААТА 3205857906 Уваравічы на карце Беларусі ±

Уваравічы на Вікісховішчы

Ува́равічы^[3] (трансліт.: Uvaravičy, руск.: Уваровичи) — гарадскі пасёлак у Буда-Кашалёўскім раёне Гомельскай вобласці Беларусі, на рацэ Уза (прыток р. Сож). Цэнтр Уваравіцкага сельсавета. За 21 км на паўночны ўсход ад Буда-Кашалёва, за 27 км ад Гомеля, за 8 км ад чыгуначнай станцыі Уза на лініі Гомель — Жлобін; аўтадарогі на Гомель і Буда-Кашалёва. Насельніцтва 2320 чал. (2017)^[4].

Гісторыя

У пісьмовых крыніцах упершыню ўпамінаецца ў 1483 годзе. У канцы XV — пачатку XVI стагоддзяў у Чарнігава-Старадубскім княстве, уладанне князёў Мажайскіх. У час вайны Маскоўскай дзяржавы з Вялікім Княствам Літоўскім 1534—1537 гадоў пацярпелі ад ваенных дзеянняў. З 1566 года ў Рэчыцкім павеце Менскага ваяводства. Паводле інвентару Гомельскага староства 1640 года сяло, 11 дымаў.

З 1772 года ў Расійскай імперыі, мястэчка. З 1773 года ў Гомельскім павеце Рагачоўскай правінцыі, з 1777 года ў Беліцкім павеце Магілёўскай губерні. У 1825 годзе заснавана гарбарнае прапрыемства, млын. З 1852 года мястэчка Гомельскага павета Магілёўскай губерні. У 1861 годзе адкрыта народнае вучылішча. У 1875 годзе пабудавана мураваная праваслаўная царква Раства Багародзіцы, у 1876 годзе заснавана крупадзёрнае прадпрыемства. У 1880 годзе — 902 жыхары, 165 двароў; 2 цагельныя прадпрыемствы, бровар, 4 ветраныя млыны, 8 крам, праваслаўная царква, 2 яўрэйскія малітоўныя дамы. У пачатку XX стагоддзя належалі Ліпінскім і Уваравіцкай сельскай грамадзе. У 1909 годзе — 2372 жыхароў, 314 двароў.

З 1919 года ў Гомельскай губерні РСФСР, цэнтр воласці. З 8 снежня 1926 года ў БССР, цэнтр Уваравіцкага раёна Гомельскай акругі, з 1938 года ў Гомельскай вобласці. У 1926 годзе — 2391 жыхароў, 519 двароў. З 27 верасня 1938 года гарадскі пасёлак. З 17 красавіка 1962 года ў Буда-Кашалёўскім раёне.

Будынак сталовай

Насельніцтва

• 1858 год — 935 чал.
• 1880 год — 902 чал.
• 1909 год — 2 372 чал.
• 1926 год — 2 391 чал.
• 2006 год — 2,6 тыс. чал.
• 2016 год — 2 307 чал.^[5]
• 2017 год — 2 320 чал.^[4]

Эканоміка

Прадпрыемствы бытавога абслугоўвання, вытворчасці будаўнічых матэрыялаў.

Славутасці

• Свята-Раства-Багародзіцкая царква (1945)
• Гарадзішча перыяду ранняга жалезнага веку і сярэднявечча (II—XIII стагоддзі), за 1 км на ўсход ад пасёлка —  Гісторыка-культурная каштоўнасць Беларусі, шыфр 313В000141шыфр 313В000141
• Брацкая магіла (1943) —  Гісторыка-культурная каштоўнасць Беларусі, шыфр 313Д000142шыфр 313Д000142
• Магіла ахвяр фашызму (1941) —  Гісторыка-культурная каштоўнасць Беларусі, шыфр 313Д000143шыфр 313Д000143

Вядомыя асобы

• Вольга Сысоеўна Аўраменка (нар. 1934) — Народны настаўнік СССР, Заслужаны настаўнік БССР.
• Сяргей Рыгоравіч Маісеенка (нар. 1961) — беларускі архітэктар.
• Яўсей Яўсеевіч Майсеенка (1916—1988) — Народны мастак СССР.
• Эмануіл Натанавіч Модзін (1968 −1984) — Герой Сацыялістычнай Працы.
• Зоф’я Эмануілаўна Рагінская (1895—1938) — гісторык-арабіст^[6].
• Лазар Барысавіч Рывін (1888—1971)^[7]
• Аарон Цэйтлін (1898—1973) — яўрэйскі пісьменнік, паэт, драматург, мастацкі крытык і выдавец, пісаў на ідышы і іўрыце.

Заўвагі

1. http://gp.by/upload/iblock/8a6/8a6d72482fce578c6297fc8e437356f3.pdf
2. Численность населения на 1 января 2024 г. и среднегодовая численность населения за 2023 год по Республике Беларусь в разрезе областей, районов, городов, поселков городского типа — Белстат, 2024.
   <a href="https://wikidata.org/wiki/Track:Q125194897"></a><a href="https://wikidata.org/wiki/Track:Q6520738"></a>
3. Назвы населеных пунктаў Рэспублікі Беларусь: Гомельская вобласць: нарматыўны даведнік / Н. А. Багамольнікава і інш.; пад рэд. В. П. Лемцюговай. — Мн.: Тэхналогія, 2006. — 382 с. ISBN 985-458-131-4 (DJVU).
4. Колькасць насельніцтва на 1 студзеня 2017 г. і сярэднегадавая колькасць насельніцтва за 2016 год па Рэспубліцы Беларусь у разрэзе абласцей, раёнаў, гарадоў і пасёлкаў гарадскога тыпу (руск.). Нацыянальны статыстычны камітэт Рэспублікі Беларусь (29 сакавіка 2017). Праверана 3 красавіка 2017.
5. Колькасць насельніцтва на 1 студзеня 2016 г. і сярэднегадавая колькасць насельніцтва за 2015 год па Рэспубліцы Беларусь у разрэзе абласцей, раёнаў, гарадоў і пасёлкаў гарадскога тыпу (руск.). Нацыянальны статыстычны камітэт Рэспублікі Беларусь (30 сакавіка 2016). Праверана 3 красавіка 2017.
6. Архіўная копія (нявызн.)(недаступная спасылка). Архівавана з першакрыніцы 17 лютага 2023. Праверана 17 лютага 2023.
7. http://www.hrono.ru/biograf/bio_r/rivin.html

Спасылкі

• На Вікісховішчы ёсць медыяфайлы па тэме Уваравічы

• Геаграфічныя звесткі па тэме Уваравічы на OpenStreetMap
• Уваравічы на сайце Глобус Беларусі (руск.)