Ceuta [ˈθewta] (arabisch سبتة, DMGSabta) isch a spanische Stadt, wo an da nordafrikanischa Küschta, a da Schtroß vo Gibraltar liegt. Ceuta isch also a Exklave, wo uf na klina Halbinsl lit, grad amol 18,5 km² groß isch und 2006 75.861 Iwohna khet hot. Es hot a Landgrenz mit Marokko und isch 21 km vom spanischa Festland weg.
Ceuta hot sit m 15. Jahrhundert zersch da Portugiesa, danoch da Schpania khört. Sogär wia Marokko 1956 unabhängig wora isch, sind Ceuta und Melilla bi Schpania dabi blieba. Marokko hätt natürlich gern boade Schtädt kriagt, hot aba bisher no net probiert mit Gwalt d’Macht zum übanea.
1995 hond Ceuta und Melilla da Status „autonome Stadt“ kriagt. Wils a Enklave vo da EU uf afrikanischem Kontinet isch, probierend natürlich bsundrix viele illegale Iinwandara üba Ceuta noch Europa s’ko. Drum isch in da letschta Johr d’Grenz imma meh übawacht und b’feschtigt wora – vo boadna Sita, da spanischa und da marokkanischa.
G‘schichti
Charte vo Ceuta
Agfanga hot als mit da Griacha. Ma woass aba ned gnau, ob döt, wo d‘ Stadt hüt isch damols scho Hüsa gsi sin. Ghoassa hots uf jeda Fall Αδέλφια (Heptá Adélphia - Sieben Brüder, wild rund uma tum sieba Berg sin.). 319 v. Chr., hond d‘Karthager s’Gebiet übanoh, und noch m Zwoata Punischa Kriag isch’s als Septem Fratres (Sieben Brüder) zum Römischa Riich ko, und d’Iiwohna hond s‘römische Bürgerrecht kriagt. Vo do kut wohrschinli o da hütige Nama: Septem → Septa → Ceita → Ceupta → Ceuta.
Ceuta isch strategisch und wirtschaftlich imma stärka wora, und isch denn nebs Tanger d’wichtigschte Stadt vo da römischa Provinz Mauretania Tingitana gsi. 429 sind denn d‘Vandala igfalla und 534 isch Ceuta zum Byzantinischa Riich ko, aba scho 616 vo da Westgoten erobarat wora. 709 hond denn d’Araba überno, oan zwoa Johr bevor se uf Schpanien uffe und döt für a paar Johrhunderte bliba sind.
Portugal (1415 - 1580)
Im Zuge vo da Reconquista 1415 isch Ceuta vo da Portugiesa unta König Johann I. erobarat wora.
Spanien (1580 - hüt)
Im Friede von Lissabon 1668 noch m Restaurationskrieg hond d’Portugiesa Ceuta an d’Spanier abgäba müssa. Wia Marokko 1956 unabhängig wora isch, isch Ceuta als sog. Souveräner Ort (Plaza de soberanía) da Spanischa Regierig untastellt wora.
Vawaltung
Bevor Spanien 1986 zur EU ku isch, isch’s an Freihafen gsi. Sit 1995 isch Ceuta a Ciudad Autónoma, a spanische politische Oaganart. Übasetzt hoasst des autonome, unabhängige Stadt, eppas zwüschat na normala spanischa Stadt und anara autonoma Gemeinschaft.
Damit kört Ceuta offiziell zum Gebiet vo da EU, obwohl‘s in Afrika liet. Als Ciudad Autónoma hot Ceuta vaschiidene Befugnisse, zum oana hond se a oagenes Stüürsystem mit relativ niedriga Stüüra, und khörend o net zum Zollgebiet vo da EU.
Suusch no
Bevölkerungsdichte: 4.069 Einw./km²
höchste Erhebung: 345 m
Bevölkerungswachstum: 0,0 %
Berühmte Söhn und Töchter vo da Stadt
al-Idrisi (1100-1166), Kartograph, Geograf und Botaniker.
Dä Artikel basiert uff ere fräie Übersetzig vu dere Version vum Artikel „Ceuta“ vu de dütsche Wikipedia. E Liste vu de Autore un Versione isch do z finde.
