فجی کے قریب ایک چھوٹا جزیرہخشکی کا ایسا ٹکڑا جو چاروں جانب سے پانی سے گھرا ہوا ہو۔ بہت چھوٹے جزائر جیسا کہ پانی میں ابھرتے ہوئے زمینی خدوخال کو مرجانی جزیرہ (Atoll) یا ٹاپو (Islet) کہتے ہیں۔ جزائر کی دو اقسام ہوتی ہیں ایک بر اعظمی جزائر اور دوسرے سمندری جزائر۔
بر اعظمی جزائر وہ جزیرے ہوتے ہیں جو بر اعظمی تختے (Continental Shelf) پر واقع ہوں، مثال کے طور پر گرین لینڈ ، ٹرینیڈاڈ و ٹوباگو ، برطانیہ ، آئرستان اور صقلیہ ، سماٹرا ، بورنیو اور جاوا اور نیو گنی و تسمانیہ وغیرہ۔
سمندری جزائر وہ جزیرے ہوتے ہیں جو کسی بر اعظمی تختے پر واقع نہيں ہوتے۔ ان میں آتش فشانی جزائر اکثریت کے حامل ہیں۔
زمین پر مصنوعی جزائر بھی پائے جاتے ہیں۔ جزائر کے مجموعے کو مجموعہ الجزائر (Archipelago) کہتے ہیں۔
ان کے علاوہ زمین پر منطقۂ حارہ کے جزائر (Tropical Islands) بھی ہوتے ہیں جن میں مالدیپ ، ٹونگا ، ناؤرو اور پولینیشیا وغیرہ معروف ہیں۔
کروی اصطلاحات خاکی اصطلاحات آبی اصطلاحات دیگر اصطلاحات اقسام جغرافیہ
ویکی ذخائر پر جزیرہ
