تاریخ ایران

سلسلۂ مضامین
تاریخ ایران
اساطیری تاریخ خاندان پیشدادیان خاندان کیانیان
دور قدیم ابتدائی ایلامی (3200–2700 ق م) عیلام (2700–539 ق م) منائیان (850–616 ق م)
شہنشاہی دور ماد (678–550 ق م) (مملکت سکوتھی) (652–625 ق م) حخمانیشی سلطنت (550–330 ق م) مملکت ایٹروپیٹن (320 دہائی ق م – تیسری صدی عیسوی) سلوقی سلطنت (312–63 ق م) سلطنت اشکانیان (247 ق م – 224 CE) ساسانی سلطنت (224–651)
قرون وسطی خلافت راشدہ (632–661) خلافت امویہ (661–750) خلافت عباسیہ (750–1258) دابویگان (642–760) باوند (651–1349) مس مغان دماوند (651–760) پادوسبانیان (665–1598) Qarinvandids (7th-century–11th-century) جستانیان (791–974) علویان طبرستان (864–14th century) آل طاہر (821–873) دولت سامانیہ (819–999) صفاری خاندان (861–1002) غوری خاندان (before 879–1141) Sajid dynasty (889–929) Sallarid dynasty (919–1062) Ziyarid dynasty (930–1090) Ilyasids (932–968) آل بویہ (934–1062) سلطنت غزنویہ (977–1186) آل کاکویہ (1008-1141) Nasrids (1029-1236) سلجوقی سلطنت (1037–1194) خوارزم شاہی سلطنت (1077–1231) Atabegs of Yazd (1141–1319) بادشاہت مھربانیہ (1236–1537) Kurt dynasty (1244–1396) ایل خانی سلطنت (1256–1335) Chobanid dynasty (1335–1357) آل مظفر (1335–1393) جلائر (1337–1376) Sarbadars (1337–1376) Injuids (1335–1357) Afrasiyab dynasty (1349–1504) Marashis (1359–1596) تیموری سلطنت (1370–1507) قرہ قویونلو (1406–1468) آق قویونلو (1468–1508) Kia'i dynasty (1389–1592)
ابتدائی دور حاضر صفوی سلطنت (1501–1736) (ہوتکی سلطنت) (1722–1729) خاندان افشار (1736–1796) Talysh Khanate (1747–1826) خاندان زند (1750–1794) قاجار خاندان (1785–1925)
دور حاضر پہلوی خاندان (1925-1979) عبوری حکومت ایران (1979-1980) اسلامی جمہوریہ ایران (1980-تاحال)
متعلقہ مضامین نام شہنشاہان معاشی تاریخ فوجی تاریخ جنگیں سلسلہ واقعات
باب ایران
د ب ت

تاریخ ایران (History of Iran) جس فارس بھی کہا جاتا ہے ایک بڑے خطے کی تاریخ کے ساتھ باہم پیچیدگی سے ملی ہوئی ہے۔ ایران عظمی جو مغرب میں اناطولیہ، آبنائے باسفورس اور مصر مشرق میں قدیم ہندوستاناور دریائے سیحوں شمال میں قفقاز اور یوریشیائی مسطح میدانی خطہ جنوب میں خلیج فارس سے خلیج عمان تک پھیلا ہوا ہے۔

ایران دنیا کی قدیم ترین اہم مسلسل تہذیبوں میں سے ایک ہے، جس کی تاریخی اور شہری بستیوں کی تاریخ 4000 ق م تک پہنچتی ہے۔^[1] سطح مرتفع ایران کے جنوب مغربی اور مغربی حصے قدیم مشرقی تہذیب میں روایتی طور پر شامل ہیں۔

قدیم زمانہ

ایران کی جغرافیایی حیثیت یہ ہے کہ وہ مرکزی ایشیا اور مشرقی ایشیا کو مشرق سے قریب اور یورپ سے متصل کرتا ہے ۔ سر زمین ایران قدیم زمانہ ہی سے لوگوں کی مہاجرت اور سکونت کا مرکز ہونے کے علاوہ بڑے بڑے جنگلوں پرمشتمل اورمختلف ادوارکا شکار رہی ہے۔

سرزمین ایران پر انسان کے موجود ہونے کی تاریخ زیادہ واضح نہیں ہے لیکن پھربھی بعض محققین نے افریقا، مرکزی ایشیا، قفقاز اورشبہ قارہ ہندوستان سے بہت سے لوگوں کے ہجرت کرکے سرزمین ایرن پر آنے کے بارے میں بیان کیاہے۔ ظاہرا سب سے پرانی جگہ جہاں پر ایک بہت پرانا تاریخی پتھر بھی نصب کیاگیاہے جوایران میں پایاجاتاہے وہ خراسان میں بستر رودخانہ کشف کے نزدیک واقع ہے جس سے بہت پرانے پتھر کے اوزاروں کے بارے میں کچھ معلومات ملتی ہیں اس جگہ کے بارے میں اندازہ لگایا جاتاہے کہ یہ جگہ تقریبا 80٠0 سال پرانی ہے۔

پتھر کا دور

بہت سے پتھروں کے اوزار زمانہ قبل ازتمدن سے متعلق ہیں جو شیراز کے شمال مشرق میں کشف ہوئے ہیں۔ ان تمام ادوار کو طے کرنے کے بعد جس وقت یورپ بھی زمانہ قبل از تمدن میں زندگی بسر کرہاتھا، ایران میڈل ایسٹ کے دوسرے ملکوں کی طرح جدید متمدن دور میں داخل ہو چکا تھا ، انسان کی زندگی اور پہلے تمدن سے مربوط بہت سے آثار اور شواہد ، ایران میں پائے جاتے ہیں ان میں سے ایک کوشش غار کمربند (بہ شہر کے نزدیک) اورغار ہوتو (تریجان کے نزدیک بہشہر کے مغرب میں) انجام پائی ہے ان تمدنوں کی قدمت تقریبا 900 سال ق م تک پہنچتی ہے اوردوسرے آثار جو آسیاب کے ٹیلے (کرمانشاہ کے مشرق میں) گنج دور (کنگاور کے مغرب جنوبی میں) سرآب کاٹیلہ(کرمانشاہ کے مشرقی شمال میں) زاغہ کاٹیلہ (جوبوئیں زہرا کے علاقہ میں واقع ہے ) ٹل باکون (تخت جمشید کے مغرب جنوبی میں) یانیق کاٹیلہ( تبریز کے مغربی جنوب میں) چغامیش کاٹیلہ (دزفول کے مشرقی جنوب میں) گودین کاٹیلہ(کنگاور کے مغرب میں) گیان کا ٹیلہ (نہاوند کے نزدیک) چشمہ کاٹیلہ (شہر ری کے نزدیک) ابلیس کاٹل (کرمان بردسیر میں) اور یحیی کاٹیلہ (بافت کرمان کے جنوب میں) ملتاہے ان سب چیزوں سے معلوم ہوتاہے کہ 4سے 9 ہزاراسال ق م پہلے انسان اس سرزمین پر زندگی بسر کرتے تھے۔بمپور (نہرہلیل کے درہ کے نزدیک) جلاہواشہر (زابل کے جنوب میں)ٹیلہ شوش اور سات ٹیلہ(مشرقی شوش کے جنوب میں) ٹیلہ حسنلو(نقدہ کے قریب) ٹیلہ مارلیک یا چراغ علی کاٹیلہ (گیلان کی نہر کے پاس) ٹیلہ تورنگ (مشرقی گرگان کے شمال میں) ٹیلہ زیویہ) مشرق شقزمیں) ٹیلہ حصار (دامغان کے قریب) ٹیلہ موسیان (دھلران کی سرزمین پر)شہداد یا خبیث کاٹیلہ اور قبرستان (کرمان کے مشرق میں) اور ٹیلہ گنج(کلاردشت مازندارن میں) یہ سب آثار ،بیابان ایران کے بہت پرانے تمدن ہونے پر دلالت کرتے ہیں اور معلوم ہوتاہے کہ یہ سب آثار ایک ہزار سال قبل از میلادی سے یہاں پرموجود ہیں۔

سیلک دی تہذیب

پہلے تمدنوں میں سے ایران کی تاریخ میں جوبہت ہی مشہور تمدن کہاجاتاہے وہ سیلک کاتمدن ہے۔اس تمدن کے آثار سیلک کے ٹیلوں (مغربی کاشان کے جنوب (میں پائے جاتے ہیں اوریہ اس بات کی عکاسی کرتے ہیں کہ ایران کے بیابان سب سے پہلے والے انسانوں کے زندگی بسرکرنے کی سب سے پرانی جگہ ہے ۔ قدیمی ترین سیلک کے ٹیلوں کی قدمت تقریبا پانچویں ہزارہ کے شروع اور چھٹے ہزارہ کے اواخر قبل از میلادی تک پہنچتی ہے۔ اس زمانے کے جو مٹی کے برتن ہم تک پہنچے ہیں وہ سب سے پہلے تمدن کی خبردیتے ہیں اس سرزمین پر مٹی کے برتنوں کا استعمال زیادہ معلوم دیتاہے ان میں سے بعض کی قدمت تو تقریبا 4000 سال قبل از میلادی تک پہنچتی ہے اوراسی وجہ سے بیابان ایران کو سب سے پہلے مٹی کے برتنوں کاگہوراہ کہاگیاہے۔

بیابان ایران کے جنوبی اورمغربی علاقہ کاجو ارتباط بین النہرین سے ہے اس سے معلوم ہوتاہے کہ یہ علاقہ دوسرے علاقوں سے پہلے تاریخی دور میں داخل ہوگیاتھا اس لیے کہ قبل از میلادی کے تیسرے ہزارہ کے شروع میں خوزستان کے بیابان میں جو خطی تصویریں اختراع کی گئی ہیں ان کو”ایلامی آغازین“ کہاجاتا ہے ۔ اس خط کے نمونے سیلک میں، ٹیلہ کنگاور کے گہرائی ،ٹیلہ ملیان فارس یہاں تک کہ زابل کے جلے ہوئے شہر میں بھی ملتے ہیں جو اس بات کی عکاسی کرتے ہیں کہ اس زمانے میں مغربی ایران کے بیابان دوسری جگہوں کے بیابان سے ثقافتی اتصال رکھتے تھے۔^{[2] [3] [4] [5]}

قدیم ایرانی قومیں

مغربی ایران کے بہترین ساکنین میں سے (جنوب سے لے کر شمال تک) یہ لوگ تھے : ایلامیان، کاسی ھا،لولوبی ھا،گوتی ھا،ان قوموں کی آپس میں رشتہ داریاں تھیں اور زبان وقبیلہ کے لحاظ سے ایک دوسرے سے قریب بھی تھے، ایلامیوں کی اصلی سرزمین،شوش دریائے کارون نامی درے اور خوزستان کا قلعہ تھا جو پہاڑی اور شمال کے بلند وبالا بیابیان اور شوش کے نچلے حصہ سے مشرقی شمال تک جاتا ہے۔ لیکن ایلامیوں کی بادشاہت نے بہت ساری وسیع زمین کو اپنے حصہ میں لے رکھا تھا اور جنوب تالیان(بوشہر موجودہ) اورمشرق میں انشان یا انزان (ٹیلہ ملیان، مرودشت فارس کے قریب) کو شامل ہوتی تھی قدیمی ادوار میں بین النہرین کا اقتصاد بیابان ایران کے طبیعی منابع اور زاگرس کے پہاڑوں سے وابستہ تھا سومریوں اور آکدیوں کی خوزستان اور زاگرس کے پہاڑی علاقوں پر حملہ کاسبب یہی چیزتھی،اس سب لوٹ مار کی وجہ سے تیسرے ہزارہ ق م کے درمیان شاہک نشین خرد نے زاگرس او رخوزستان کے درمیان پہاڑی علاقوں میں ایک سیاسی او رفوجی متحد حکومت ایلام کا اعلان کردیااور تقریبا 646ق م تک آشوریوں کے ہاتھوں سقوط سے پہلے یہاں پر متعددجگہوں پر بادشاہی تھی،پوزور(کوتیک) این شوشینک، شیلھک، اونتش۔ گل، شوتروک۔ نھونتہ۔ کوتیر۔ کوتیر۔ نھونتہ و شیلھک۔ این شوشینک ایلامی سلسلہ کے حاکموں میں سے نامدار ترین حاکم تھا شوش اورانشان کے علاوہ دوسرے شہر اون(احتمالا شوشتر موجودہ)،سیمش (خرم آباد موجودہ)،مدکتو (احتمالا شمال شوش میں) اور ھیدلو (مشرق کے پہاڑوں میں فارس کے راستہ کی طرف) ان کا حکومت ایلام کے بڑے شہروں میں شمار ہوتاتھا۔

اقوام کاسی، لولوبی و گوتی زاگرس مرکزی میں زندگی بسرکرتے تھے انہی میں سے کاسی تیسرے ہزارہ قبل از میلادی کے اواخرمیں سرزمین لرستان پرزندگی بسر کرتے تھے لیکن ان کی اصل جگہ بالکل صحیح معلوم ومعین نہیں ہے۔ 16 یا 17 قرن ق م سے لے کر تقریبا 1155 ق م بابل انہی لوگوں کے زیر تحت تھا یہ بین النہرین پر غیر ایرانیوں کی سب سے طولانی مدت کی کامیابی ہے۔ لرستان کامس جو مغرب ایران کے ہنر کے بہترین نمونے تھے دوسرے ہزارہ کے اواخر اور پہلے ہزارہ کے شروع میں پایاجاتاتھا بہت سے محققین نے اس کو اقوام کاسی سے منسوب کیاہے لولوبیوں نے ظاہرا زاگرس کے پہاڑی علاقہ اور دوسرے وسیع علاقوں پر اپناتصرف کررکھاتھا اورانہوں نے اپنامرکز شہر زور کو بنارکھاتھا ۔ مہم ترین یاد گار جووہ چھوڑ کرگئے وہ لولوبی بادشاہ انوبینی کاایک برجستہ نقش ہے جو پل زہاب کے قریب ہے اور اس کے اوپر ایک کتیبہ بھی اکدی زبان میں موجود ہے ۔ گوتی قوم جو شاید شہر زور کے شمال میں زندگی بسر کرتی تھی تیسرے ہزارہ کے اواخرمیں انھوں نے بابل کو اپنے قابومیں لے لیا اوراس کے کچھ بعد ایلام پر بھی اپنا تسلط جمالیا۔

ایران میں آریائی ہجرت

لیکن ایران کی تاریخ ”آریوں کی سرزمین “ہونے کی حیثیت سے قوم آریا (ہندوستانی اورایرانی)کے یہاں پرہجرت کرنے سے بیابان ایران میں داخل ہوکراپنا آغاز کرتی ہے آریائی ہندوستان اور اروپا کی قوموں میں سے ایک قوم تھی جو ایک دوسرے سے جداہونے کے بعد دوسر ے ہزارہ میں مرکزی ایشیا میں زندگی بسر کرتے تھے زرتشتیوں کی کتابوں میں ایرانیوں کی پرانی سرزمین کانام ”ایران ویج“ بیان کیاگیاہے اورندیداد میں بیان کیاگیاہے کہ ایران ویج سب سے پہلی سرزمین ہے جو اھورہ مزدا کے ہاتھوں پیداہوئی ہے بعض محققین کی نظر میں جس وقت بیابان ایران میں لوہے کازمانہ اپنے عروج پر تھاآریائی مہاجرتقریبا 800 سے لے کر 1000 ق م میں اس سرزمین کے مغربی علاقہ میں داخل ہوئے تھے آریائیوں کے ایران میں داخل ہونے کے راستے کے بارے میں بہت سے لوگوں کاکہناہے کہ یہ مہاجر مرکزی ایشیاسے مغرب کی طرف آئے یہاں تک کہ زاگرس کے پہاڑوں تک پہنچ گئے لیکن دوسرے لوگوں کانظریہ ہے کہ آریائی مہاجرین دو مختلف راستوں دریائے خزر کی طرف سے ایران میں داخل ہوئے ہیں اور طوائف مادی وپارسی قفقاز کے راستے سے سرزمین ایران میں داخل ہوئے ہیں کیانی حکمرانوں کی روایات سے پتہ چلتاہے کہ آریائی زردشتیوں کے زمانے تک ایران میں موجود تھے۔

نویں صدی قبل از مسیح سے آریائی قوم کا شکنجہ زاگرس کے پہاڑی علاقہ میں بومیان پرزیادہ ہو گیا اور انھوں نے مغرب کی طرف پڑھتے ہوئے رفتہ رفتہ وہاں کے رہنے والوں کوشہروں اورآبادیوں سے باہر نکال دیااور آشوریان کے برابر میں کھڑے ہو گئے اسی وجہ سے ماد وپارس کی اقوام کا نام پہلی مرتبہ آشوریوں کی کتابوں میں آگیا اوران کی سرزمینوں کے نام ”مدی“ 6 (ہمدان کے قریب) و”پرسوئیہ“7 (دریای ارومیہ کے مغرب اورجنوب مغربی علاقہ بتائے گئے ہیں شلمنصر آشوریوں کے تیسرے بادشاہ کے سالنامہ میں 844 ق م میں پارسیان کا اور 836 ق م میں مادیوں کانام لیاگیا اسی کے ہم عصر نویںصدی قبل از مسیح کے اواخر اورآٹھویں صدی ق م کے اوائل میں آشوریوں کی حکومت کمزور ہو گئی اوران کی یہ کمزوری اورارتور (آرارات) کی حکومت کے مضبوط ہونے کاسبب بن گئی اورارتو کی وسیع قدرت آشور کی پریشانی کاسبب تھی اور آشوری بادشاہ ،اپنی سرحدوں پراورارتو کے احتمالی حملوں کا جواب دینے کے لیے مجبور تھے کہ ایک بہت بڑی فوج تیار رکھیں ۔ اورارتو کے ایک بادشاہ نے آٹھویں صدی ق م کے شروع میں آشور کو دھمکی دی کہ وہ دریای اورمیہ کے مغربی ساحل پر اپنا قبضہ جمالے گا اوردوسری زمینیں بھی جو قبیلہ مانای سے متعلق ہیں اور دریاکے مشرقی ساحل کے برابر میں ہیں اپنی زمین میں بڑھا لے گا لیکن جنگجو اورمستقل طلب آریایی اورپارس قوموں کے حالات پر نظررکھنے کی وجہ سے جو اسی سرزمین پرمستقر تھے بہت مشکل تھا اوراسی حس استقلال نے ان اقوام کی مددکی فرمانروای تیگلت پیلسر سوم (744۔727ق م)کے آغاز میں آشوریوں نے مغرب پراورارتو کے وسیع نفوذ کو مقابلہ میں ایک لشکرکشی کی اور زاگرس کی وسیعی سرزمین ان کے تصرف میں آگئی۔آشوریان کے اس فوجی حملے نے ان کو مادیوں کے مقابلے میں لاکھڑا کیا اور737ق م میں یہ لوگ مادیوں کے قلمرو میں داخل ہو گئے۔ آشوریوں کے کتیبہ اس بات کی حکایت کرتے ہیں کہ یہ لوگ مادیوں سے خراج لیتے تھے اوران کی سرزمین میں حتی کے پہاڑوں پربھی انھوں نے اپنا اثرورسوخ قائم کر لیا۔ بیکنی نامی پہاڑی کی اہمیت کا تعین(جسے پہلے دماوند کاہی حصہ تصور کیاجاتاتھا) اورآج اسے قلہ الوند پرمنطبق کیا جاتاہے،آشوریوں کے مادیوں کی حکومت میں نفوذ اور قبضہ کی حدود کو واضح کرسکتاہے

حوالہ جات

1. Xinhua, "New evidence: modern civilization began in Iran", 10 Aug 2007, retrieved 1 October 2007
2. "آرکائیو کاپی"۔ 21 فروری 2019 میں اصل سے آرکائیو شدہ۔ اخذ شدہ بتاریخ 21 فروری 2019  الوسيط |url-status= تم تجاهله (معاونت)
3. https://nation.com.pk/08-Jan-2019/8-000-years-old-artifacts-unearthed-in-iran
4. "آرکائیو کاپی"۔ 21 فروری 2019 میں اصل سے آرکائیو شدہ۔ اخذ شدہ بتاریخ 21 فروری 2019  الوسيط |url-status= تم تجاهله (معاونت)
5. "آرکائیو کاپی"۔ 22 فروری 2019 میں اصل سے آرکائیو شدہ۔ اخذ شدہ بتاریخ 21 فروری 2019  الوسيط |url-status= تم تجاهله (معاونت)

بیرونی روابط

• Persian History Persian History* Iran an article by دائرۃ المعارف ایرانیکا* Iranآرکائیو شدہ (Date missing) بذریعہ p2.www.britannica.com (Error: unknown archive URL) an article by Encyclopædia Britannica online by Janet Afary* Ancient Iran an article by Encyclopædia Britannica online by Adrian David Hugh Bivar and Mark J. Dresden* Iran History* Iran chamberآرکائیو شدہ (Date missing) بذریعہ iranchamber.com (Error: unknown archive URL)* WWW-VL History Index: Iran* The History of Persia from 1715* [1] RUSSIA i. Russo-Iranian Relations up to the Bolshevik Revolution