Илфат Әскәров

Илфат Әскәров
Туганда бирелгән исеме:	Илфат Мансур улы Әскәров
Туу датасы:	12 август 1973(1973-08-12) (51 яшь)
Туу җире:	СССР, РСФСР, ТАССР, Саба районы, Олы Кибәче
Һөнәре:	актер
Гражданлыгы:	ССРБ ССРБ→ РФ
Активлык еллары:	1996-х. в.
Бүләк һәм премияләр:	Татарстанның атказанган артисты
Ильфат Аскаров

Илфат Әскәров, Илфат Мансур улы Әскәров (1973 елның 12 августы, Cəʙᴎт Социалистик Җɵᴍhүpᴎᴙтләр Беpᴫеᴦе, РСФСР, Татарстан АССР, Саба районы, Олы Кибәче) — Яр Чаллы татар дәүләт драма театры актеры, Татарстанның атказанган артисты (2012).

Тәрҗемәи хәле

И. Әскәров — Дәрвиш.
«Ай тотылган төндә»
М. Кәрим

1973 елның 12 августында Татарстан АССР Саба районы Олы Кибәче авылында туган. Казан дәүләт мәдәният һәм сәнгать академиясенең (1995-2002 елларда академия, 2002-2015 елларда университет, 2015 елдан институт) театр факультетын тәмамлаган (1996), Эльмира Хамматовада дикторлыкка укыган. Татар телевидениесендә «Чулпан» программасын алып барган.

Чаллы театрының баш режиссеры Фаил Ибраһимовның чакыруы буенча Яр Чаллыга күчеп килә. Чаллы театрының әйдәүче актерларының берсенә әверелә. Чаллы телевидениесендә эшли, балалар өчен «Мияубәк һәм Чичиетта» тапшыруын әзерләп алып бара.

Театрда эшләү белән бергә, җырчылар белән РФ шәһәрләренә гастрольләргә йөри: Әлфия Авзалова, Хәмдүнә Тимергалиева, Закир Шаһбан, Равил Галиев, Резедә Шәрәфиева, Руслан Кираметдинов, Ильмира Нәгыймова, Илназ Баһ, Гүзәл Идрисова һ. б. белән эшли.

Иҗаты

Авыл тормышыннан алынган каһарманнарны уйный, шулай ук сәер кешеләр образлары тудыра.

Башкарган рольләренең кайберләре

Чаллы театрында:

• Казначы — «Йосыф вә Зөләйха» Кол Гали
• Брендавуан — «Саран» Жан-Батист Мольер
• Панталоне — «Ике хуҗаның хезмәтчесе» Карло Гольдони
• Доверенный — «Банкрот» Галиәсгар Камал
• Хәлил — «Галиябану» Мирхәйдәр Фәйзи
• Авыл егете — «Сүнгән йолдызлар» Кәрим Тинчурин
• Вафа — «Кәләпүшче кыз» Гаяз Исхакый
• Нурмый — «Нурислам нигезе» Рабит Батулла
• Каракаш — «Яшь аралаш көлү» Рабит Батулла
• Дәрвиш — «Ай тотылган төндә» Мостай Кәрим
• Алмаз — «Кызлар, ишек ачыгыз!» Наил Гаетбай
• Галимҗан — «Без бит авыл малае!» Туфан Миңнуллин
• Кабан — «Бурлак» Мансур Гыйләҗев
• Михаил — «Хәят» Равил Сабыр
• Яшь Насыйбулла — «Абага алмасы ачы була» Равил Сабыр һ. б.

Бүләкләре, мактаулы исемнәре

• 2012 — Татарстанның атказанган артисты^[1].

Гаилә хәле

Хатыны Чулпан Казанлы (Садыйкова), Чаллы татар драма театры актрисасы, Муса Җәлил исемендәге премия лауреаты (2007), Татарстанның атказанган артисты.

Ике балалары бар: кызлары Ләйлә^[2] (Герасимова; Наро-Фоминскида кияүдә, аның кызлары Алинә, Алисә), уллары Аяз, «Адымнар-Чаллы» мәктәбендә укый^[3].

Әдәбият

1. Илфат Әскәров: «Әлфия Авзалова үзенең шәлен биреп кенә исән калдым». «Акчарлак», 2018 ел, 15 ноябрь.

Искәрмәләр

1. Ильфат Аскаров – заслуженный артист Татарстана.(үле сылтама) Сайт Набережночелнинского татдрамтеатра
2. Лейла Герасимова Вконтакте
3. Зөлфия Галим. Чулпан һәм Илфат Әскәровлар: «Тормышыбыз зарланырлык түгел». Шәһри Чаллы, 17.03.2024

Сылтамалар

• Илфат Әскәров. 2018 елның 9 ноябрь көнендә архивланган. Чаллы театры сайты
• Илфат Әскәровның Вконтактедагы сәхифәсе

Моны да карагыз