Илсөя Бәдретдинова

Илсөя Бәдретдинова
Төп мәгълүмат
Тулы исеме	Илсөя Бәдретдинова
Туу көне	4 февраль 1981(1981-02-04) (43 яшь)
Туу урыны	СССР, РСФСР, Татарстан АССР, Лениногорск районы, Иске Шөгер
Эшчәнлек еллары	2004 ― х. в.
Дәүләт	СССР↓ РФ
Һөнәрләр	җырчы
Моң	рок-музыка
Жанрлар	эстрада
Бүләкләр	Татарстанның атказанган артисты

Илсөя Бәдретдинова – популяр татар җырчысы. Татарстанның атказанган артисты (2021).

Тәрҗемәи хәл

Татарстанның Лениногорск районы Иске Шөгер авылыннан, музыка училищесында укыган, Казан дәүләт технология университетында җиңел сәнәгать белгечлеге буенча укый, укыун тәмамлый алмый. Баштарак ул матбугат битләрендә үткен каләмле журналист буларак күренә. 2002-2004 елларда «Татарстан яшьләре»ндә хәбәрче булып эшли. Соңрак тулысы белән эстрадага күчә.

Иҗаты

Җәмгыятьтә әйтер сүзен рок җырлары аша халыкка җиткерүне үтемлерәк карый. Илсөянең җырларына, халык җырларыннан кала (Любизар), сүзне дә, көйне дә аның тормыш иптәше, журналист Илфак Шиһапов язган. «Президентка хат», «Азатлык», «Көтүчеләр», «Алсу» кебек җырлар Татарстандагы сәяси-иҗтимагый тәртипләр белән кискен килешмәүчәнлек ярылып ята. Бүгенге җәмгыятьтә кешеләрнең үз-үзен тотышы турындагы “Өметсез юл”, фахишә кызлар турындагы “Алсу” җырлары. Тәнкыйтьчеләр аның беренче җырларын татарча рок-музыка итеп тә^[1], альтернатива итеп тә бәялиләр.

Читтән торып Казан Дәүләт мәдәният һәм сәнгать университетында белем ала.

Альбомнары

2004 елда аның беренче альбомы – «Тыелган җыр» чыкты. Барлыгы 19 альбом чыккан.

Гаиләсе

Ире (2016 елга кадәр) Илфак Шиһапов (05.04.1968-30.05.2017), уллары Нариман. Илфак һөнәре буенча журналист иде, шул ук вакытта (2016 елга хәтле) Илсөянең продюсеры да булды^[2].

Бүләкләре, мактаулы исемнәре

• 2021 ― Татарстанның атказанган артисты ^[3]

Искәрмәләр

1. Уфага татарча рок килде // Кызыл таң, 1.2.2008(үле сылтама)
2. Intertat.ru сайты, 30.05.2017, archived from the original on 2017-07-03, retrieved 2017-06-25 
3. Илсөя Бәдретдинова хәзер атказанмаган түгел. Интертат, 13.12.2021

Чыганаклар

• Уфага татарча рок килде // Кызыл таң, 1.2.2008(үле сылтама)
• Илсөя Бәдретдинова: “Авызым тулы кан булса да төкермим! // Тамаша. 2013. 2014 елның 19 сентябрь көнендә архивланган.
• Ильсия Бадретдинова: «Некоторые говорили, что я позор татарской сцены» // Бизнес-онлайн.

Тышкы сылтамалар

• ЮЛДАШ NEWS 13.02.2005: Сәерләр... / Диагноз: неформат!
• Илсөя Бәдретдинова җырларын тыңларга(үле сылтама)

Моны да карагыз