The Old Masters er ein plateboksserie av Frank Zappa, gjeven ut i tre volum på Barking Pumpkin Records frå april 1985 til desember 1987, med studio- og konsertalbum av Zappa og The Mothers of Invention opphavleg gjevne ut frå 1966 til 1976 på andre selskap, i tillegg «Mystery Discs» som inneheldt songar som ikkje var gjeven ut før.
Boksen inneheld nye miksar og redigeringar av Zappa i hans eige Utility Muffin Research Kitchen, førebudd for CD-formatet. Albuma vart remiksa og redigert på ny, og er ofte heilt forskjellige frå dei originale utgåvene.
Serien fekk god kritikk, men ein del likte ikkje endringane til Zappa, mellom anna at han spelte inn rytmeseksjonen på ny for albuma We're Only in It for the Money og Cruising with Ruben & the Jets, som førte til eit søksmål over ubetalte honorar.