Теранци — археолошко наоѓалиште во кочанското село Теранци. Претставува осамен наод од римско време. Наодот претставува вотивна релјефна плоча, донесена во првата половина на 1950-тите во Музејот во Штип, со претстава на Тракиски коњаник, од непознато наоѓалиште. Коњаникот со градниот дел е свртен en face, со подигната десна рака, и е наметнат со развиорена наметка. Коњот е во положба на галопирање, со подигнати предни нозе. Под нив има куче што го следи движењето на коњот, а пред нив стои адорантка во долга облека, со десната рака свиткана на градите. Плочата била со димензии: ширина 31 см, висина 26 см, дебелина 6 см.[1]
Поврзано
Наводи
- ↑ Коцо, Димче (1996). Археолошка карта на Република Македонија. II. Скопје: Македонска академија на науките и уметностите. стр. 182. ISBN 9989649286.
.svg){kind=small}
