Масакр во Штип ― масакр извршен во близина на Штип, на 6 април, 1944 година, од страна на Бугарскиот окупатор, со стрелање на 12 партизани, патриоти, младинци и рудари од регионот на злетовско-пробиштипскиот и во кратовскиот крај.[1]
Масакрот се случил по нападот на рудниците за олово и цинк во Злетово и Пробиштип од страна на Треттата македонска ударна бригада, на 3 април1944 година. Во знак на одмазда, бугарската полиција извршила претрес низ куќи и при тоа уапсила голем број младинци, патриоти и рудари од самите рудници. Неколку дена биле подложени на ѕверско малтретирање и тепање во дворот на штипската касарна, а пред очите на работниците во фабриката за цигари која се наоќала веднаш до неа.[1][2] Меѓу жртвите имало три жени и двајца странски државјани кои работеле во самите рудници.[1]
