Геракари

Геракари Γερακαρού
Геракари
Местоположба во областа Геракари Местоположба на Геракари во Солунско и областа Централна Македонија
Координати: 40°35′N 23°12′E
Земја	Грција
Област	Централна Македонија
Округ	Солунски округ
Општина	Лагадина
Општ. единица	Лагадинско Езеро
Надм. вис.	&10000000000000136000000136 м
Население (2021)[1]
• Вкупно	1.080
Час. појас	EET (UTC+2)
• Лето (ЛСВ)	EEST (UTC+3)

Геракари (грчки: Γερακαρού, Јеракару) — село во Општина Лагадина во Солунскиот округ, Егејска Македонија, денес во областа Централна Македонија, Грција. Населението брои 1.080 жители (2021).

Географија и местоположба

Селото се наоѓа на неколку километри од градот Лагадина, помеѓу Лагадинско Езеро и Бешичко Езеро. Селото се наоѓа на надморска височина од 136 метри.

Историја

Во XIX век Геракари е село, кое припаѓало кон Лагадинската каза на Отоманското Царство, со алтернативно турско име Доганџи. Во „Етнографија на Адријанопол, Монастир и Салоника“ се вели дека во 1873 г. селото се состоело од 45 семејства со 146 жители муслимани и 52 Грци^[2]. Селото било под влијание на Цариградската патријаршија. Според податоците на секретарот на егзархијата Димитар Мишев („La Macédoine et sa Population Chrétienne“) во 1905 година во селото живееле 115 Грци^[3].

Во текот на Втората балканска војна, селото било окупирано од страна на грчките војски^[4]. По крајот на Балканските војни, селото било вклучено во составот на Грција. Според Лозанскиот договор, во селото било населено грчко население од Мала Азија, Источна Тракија и Понд.

Култрни и природни знаменитости

• Црква „Св. Ѓорѓи“ од XIX век
• Црква „Рождество на пресв. Богородица“ од XX век — парохиска црква

Наводи

1. „Попис на населението од 2021 г. Трајно население“. Државен завод за статистика на Грција.
2. Македония и Одринско. Статистика на населението от 1873 г., Македонски научен институт, София, 1995, стр. 152-153.
3. Brancoff, D.M. "La Macédoine et sa Population Chrétienne". Paris, 1905, pp. 196-197
4. Симовски, Тодор (1998). Населените места во Егејска Македонија : географски, етнички и стопански одлики. II дел. Скопје: Институт за национална историја.