|
ხუანა ავსტრიელი
ხუანა ავსტრიელი (ესპ. Juana de Austria, პორტ. Joana de Austria; დ. 24 ივნისი 1535 — გ. 7 სექტემბერი 1573) — ჰაბსბურგთა დინასტიის წარმომადგენელი. ესპანეთის ინფანტა და ავსტრიის ერცჰერცოგინია დაბადებიდან, პორტუგალიის პრინცესა ქორწინებით. საღვთო რომის იმპერატორ კარლ V-ისა და მისი მეუღლის, ისაბელ პორტუგალიელის ნაბოლარა შვილი. პორტუგალიის მეფე სებასტიან I-ის დედა. ესპანეთის მეფე ფილიპე II-ის და და მისი რეგენტი 1554-1559 წლებში.
ბიოგრაფია
ხუანა დაიბადა ესპანეთის დედაქალაქ მადრიდში. იგი იყო საღვთო რომის იმპერატორ კარლ V-ისა და ისაბელ პორტუგალიელის ნაბოლარა შვილი. მას მამის მხრიდან ბებია-ბაბუად ერგებოდნენ ბურგუნდიის ჰერცოგი ფილიპე I და კასტილიისა და არაგონის დედოფალი ხუანა I. ხოლო დედის მხრიდან პორტუგალიის მეფე მანუელ I და დედოფალი მარია არაგონელი.
იგი იყო ესპანეთის მეფე ფილიპე II-ისა და საღვთო რომის იმპერატრიცა მარია ესპანელის უმცროსი და. რვა წლის ასაკში ხუანას შეეძლო ლათინურად საუბარი და რამდენიმე საკრავზე დაკვრა. 1552 წლის 11 იანვარს, 17 წლის ხუანა მიათხოვეს მისსავე ბიძაშვილს (დედის ხაზით), პორტუგალიის პრინც ჟუან მანუელ ავისს. ხუანა პორტუგალიის სამეფო სასახლეში 1552 წლის ნოემბერში ჩავიდა.
მათი ქორწინება დიდხანს არ გაგრძელებულა. 1554 წლის 2 იანვარს ჟუანი ტუბერკულოზით გარდაიცვალა. ამ დროს ხუანა რვა თვის ორსული იყო. ამავე წლის 20 იანვარს მან პორტუგალიის მომავალი მეფე სებასტიანი გააჩინა.
1554 წლის მაისში მამისა და ძმის თხოვნით ხუანამ პატარა სებასტიანი თავის დედამთილს, პორტუგალიის დედოფალ ეკატერინე ავსტრიელს დაუტოვა და მადრიდში გაემგზავრა. ხუანა გახდა თავისი ძმის, ესპანეთის მეფე ფილიპე II-ის რეგენტი, რომელსაც ცოლად ჰყავდა ინგლისის დედოფალი მერი ტიუდორი და აუცილებლად ინგლისში უნდა გადაცხოვრებულიყო, ხოლო მის არ ყოფნაში ესპანეთი რეგენტს უნდა ემართა. ხუანამ რეგენტის მოვალეობებს თავი ბრწყინვალედ გაართვა. ხუანა მეორედ აღარ გათხოვდა და აღარც პორტუგალიაში აღარ ჩასულა. მას თავისი ვაჟი სულ ერთხელ ჰყავდა ნანახი და ისიც ჩვილობაში. თუმცა ხუანას სებასტიანის ყველა ასაკის პორტრეტი ჰქონდა და ხედავდა როგორ ჰგავდა ბიჭი მას და ამაყობდა ამით. 1559 წელს დაქვრივებული ფილიპე ესპანეთში ახალი მეუღლით დაბრუნდა და ხუანასაც რეგენტის ტიტული ჩამოერთვა.
1557 წელს მან მადრიდში დააარსა დედათა მონასტერი, სადაც ფეხსაცმლით შესვლა აკრძალული იყო. გამონაკლისი მხოლოდ ორსულებზე დაიშვებოდა, წინააღმდეგ შემთხვევაში ან ფეხშიშველს უნდა ევლოთ ან სპეციალური სანდლებით.
მონასტერი მალევე გახდა პოპულარული, იქ მალევე აღიკვეცა მონაზვნად მრავალი არისტოკრატი ქალბატონი. დღეს ეს მონასტერი ესპანეთის ეროვნული ძეგლია.
ხუანა ავსტრიელი გარდაიცვალა 1573 წლის 7 სექტემბერს, დაკრძალულია მისსავე დაარსებულ მონასტერში.
გალერეა
ამ გალერეაში წარმოდგენილია ხუანას ოჯახის წევრები:
-
ისაბელ პორტუგალიელი, ხუანას დედა
-
ესპანეთის მეფე ფილიპე II, ხუანას ძმა
-
პორტუგალიის მეფე სებასტიან I, ხუანას ვაჟი
-
იმპერატორი კარლ V, ხუანას მამა
ბიბლიოგრაფია
- Yanko, Aroní; Juana de Austria, Reina en la sombra; Barcelona, Editorial Belacqva, 2003.
- Villacorta Baños, Antonio; La jesuita: Juana de Austria; Barcelona, Editorial Ariel, 2005.
რესურსები ინტერნეტში
ესპანეთის ინფანტები |
|---|
| | I თაობა | |
|---|
| | II თაობა | |
|---|
| | III თაობა | |
|---|
| | IV თაობა | |
|---|
| | V თაობა | |
|---|
| | VI თაობა | |
|---|
| | VII თაობა | |
|---|
| | VIII თაობა | |
|---|
| | X თაობა | |
|---|
| | X თაობა | |
|---|
| | XI თაობა | |
|---|
| | XII თაობა | |
|---|
| | XIII თაობა | |
|---|
| | XIV თაობა | |
|---|
| | XV თაობა | |
|---|
| | XVI თაობა | |
|---|
|
ავსტრიის ერცჰერცოგინიები დაბადებით |
|---|
| | I თაობა | |
|---|
| | II თაობა | |
|---|
| | III თაობა | |
|---|
| | IV თაობა |
- ელიზაბეთი, პოლონეთის დედოფალი
- მარგერეტი, პარმისა და ფლორენციის ჰერცოგინია
- მარია, საღვთო რომის იმპერატრიცა
- ანა, ბავარიის ჰერცოგინია
- მარია, იულიხ-კლევ-ბერგის ჰერცოგინია
- კათარინა, პოლონეთის დედოფალი
- ელეონორა, მანტუას ჰერცოგინია
- ხუანა, პორტუგალიის პრინცესა
- ბარბარა, ფერარას ჰერცოგინია
- იოჰანა, ტოსკანის დიდი ჰერცოგინია
|
|---|
| | V თაობა |
- ისაბელ კლარა ეუხენია, ნიდერლანდების შტატჰალტერი
- კატალინა მიკაელა, სავოიის ჰერცოგინია
- ანა, ესპანეთის დედოფალი
- ელიზაბეთი, საფრანგეთის დედოფალი
- მარგარეტი
- მარია
- ანა, საღვთო რომის იმპერატრიცა
- ანა, პოლონეთის დედოფალი
- მარია კრისტინა, ტრანსილვანიის პრინცესა
- კათარინა რენატა
- გრეგორია მაქსიმილიანა
- ელეონორა
- მარგარეტი, ესპანეთის დედოფალი
- კონსტანცია, პოლონეთის დედოფალი
- მარია მაგდალინა, ტოსკანის დიდი ჰერცოგინია
|
|---|
| | VI თაობა | |
|---|
| | VII თაობა | |
|---|
| | VIII თაობა | |
|---|
| | IX თაობა | |
|---|
| | X თაობა | |
|---|
| | XI თაობა | |
|---|
| | XII თაობა |
- მარია ლუიზა, საფრანგეთის დედოფალი
- მარია ლეოპოლდინა, ბრაზილიისა და პორტუგალიის დედოფალი
- მარია კლემენტინა, სალერნოს ჰერცოგინია
- მარია ლუიზა, ტოსკანის პრინცესა
- მარია ტერეზია, სარდინიის დედოფალი
- მარია კაროლინა, საქსონიის კრონპრინცესა
- მარია ანა
- მარია ტერეზია, ორი სიცილიის დედოფალი
- მარია ტერეზა, შამბორის გრაფინია
- ადელჰაიდი, სარდინიის დედოფალი
- მარია ბეატრიქსი, მონტისონის გრაფინია
- მარია კაროლინა
- მარია ფრანცისკა
- მარია ჰენრიეტა, ბელგიის დედოფალი
|
|---|
| | XIII თაობა | |
|---|
| | XIV თაობა |
- გიზელა, ბავარიის პრინცესა
- მარია ვალერია, ტოსკანის პრინცესა
- მარგარეთე სოფია, ვიურტემბერგის ჰერცოგინია
- მარია ანუნსიატა
- ელიზაბეთ ამალია, ლიხტენშტაინის პრინცესა
- მარია ანტონია
- ლუიზა, საქსონიის კრონპრინცესა
- მარია ტერეზია
- კაროლინა მარია, საქსენ-კობურგ-გოთას პრინცესა
- მარია იმაკულატა, ვიურტემბერგის ჰერცოგინია
- მარია კრისტინა, სალმ-სალმის პრინცესა
- მარია ანა, ბურბონ-პარმას პრინცესა
- მარია ჰენრიეტა, ჰოენლოჰ-შლინგშფიურსტის პრინცესა
- იზაბელა, ბავარიის პრინცესა
- მარია ალისა, ბეზენჰაიმის ბარონესა
- ელეონორა
- რენატა, რაძივილის პრინცესა
- მეკტილდისა, ჩარტორისკას პრინცესა
|
|---|
| | XV თაობა | |
|---|
| | XVI თაობა | |
|---|
|
|
|
