პეჩი

ქალაქი
პეჩი Pécs
საათის ისრის მიხედვით ზემოთ მარცხნიდან:სატელევიზიო კოშკი; საკათედრო ტაძარი; ეროვნული თეატრი; ნიკეს სტატუა; ფაშა ქაზიმის მეჩეთი; საკათდრო ტაძარი.
დროშა გერბი
ქვეყანა	უნგრეთი
შიდა დაყოფა	Kertváros, Megyer, Málom, Postavölgy, Árpádváros, Nagyárpád, Tüskésrét, Basamalom, Siklósi városrész, Északmegyer, Füzes, Kovácstelep, Uránváros, Bolgárkert, Fogadó, Zsebedomb, Patacs, Rácváros, Szentmiklós, Szigeti külváros, Ispitaalja, Balokány, Gyárváros, Budai városrész და Belváros
კოორდინატები	46°04′16″ ჩ. გ. 18°13′59″ ა. გ.
მაიორი	Attila Péterffy[1]
პირველი ხსენება	871
ფართობი	162.61 კმ²
ცენტრის სიმაღლე	153 მეტრი
ოფიციალური ენა	უნგრული ენა
მოსახლეობა	157 680 კაცი (2010)
სიმჭიდროვე	963.43 კაცი/კმ²
სასაათო სარტყელი	UTC+1, ზაფხულში UTC+2
სატელეფონო კოდი	72[2]
საფოსტო ინდექსი	7600
ოფიციალური საიტი	varoslako.pecs.hu
პეჩი ვიკისაწყობში

პეჩი (უნგრ. Pécs) — მეხუთე უდიდესი ქალაქი უნგრეთში. მდებარეობს ქვეყნის სამხრეთ-დასავლეთში, მეჩეკის მთების კალთებზე, ხორვატიის საზღვართან. წარმოადგენს ბარანიის მხარის ადმინისტრაციულ ცენტრს. 2010 წლის მონაცემებით, მისი მოსახლეობა 157 680 ადამიანს შეადგენს.

პეჩის ადრექრისტიანული აკროპოლისი

ქალაქს ძველად სოპიანაე ერქვა და ის ახ. წ. II საუკუნეში რომაელებმა დააარსეს ტერიტორიაზე, სადაც კელტური და პანონის ტომები ცხოვრობდნენ. IV საუკუნეში, ის რომის ვალერიის პროვინციის დედაქალაქი და მნიშვნელოვანი ადრექრისტიანული ცენტრი გახდა. ამ პერიოდს მიეკუთვნება აკროპოლისი, რომელიც 2000 წელს იუნესკომ მსოფლიო მემკვიდრეობის სიაში შეიტანა.

ქალაქის საეპისკოპოსო 1009 წელს მეფე იშტვან I-მა დააარსა, 1367 წელს კი მეფე ლუი I-ამა უნგრეთის პირველი უნივერსიტეტი დააარსა, რომელიც ახლაც ქვეყნის ერთ-ერთი უდიდესი უნივერსიტეტია 34 000 სტუდენტით. დიდმა უნგრელმა ჰუმანისტმა პოეტმა და ეპისკოპოსმა იანუს პანონიუსმა პეჩი ქვეყნის კულტურისა და ხელოვნების ერთ-ერთ ცენტრად აქცია. ქალაქს ასევე გააჩნია ოსმალთა 150 წლიანი ოკუპაციის დროინდელი მდიდეარი მემკვიდრეობა, მათ შორისაა ფაშა ქაზიმის მეჩეთი.

ორი ათასი წლის მანძილზე, პეჩი ყოველთვის იყო მულტიკულტურული ქალაქი, რომელიც ერთად ადნობდა სხვადასხვა, განსხვავებულ კულტურულ ფასეულობებს. აქ დღემდე ერთმანეთის გვერდიგვერდ, მშვიდობიანად ცხოვრობენ უნგრელები, ხორვატიელები და შვაბიელები. 1998 წელს, პეჩმა იუნესკოსგან მიიღო პრიზი „მშვიდობს ქალაქი“, უპირველეს ყოვლისა, კულტურული უმცირესობების მხარდაჭერისათვის, ასევე იმ ტოლერანტობის გამო, როდესაც მან ბალკანურ ომებში არაერთ ადამიანს მისცა თავშესაფარი.

2010 წელს, ესენთან და სტამბოლთან ერთად, პეჩი ევროპის კულტურულ დედაქალაქად აირჩიეს. პეჩის სლოგანია „უსზღვრო ქალაქი“.

იხილეთ აგრეთვე

• მსოფლიო მემკვიდრეობის ძეგლების სია ევროპაში

რესურსები ინტერნეტში

• ოფიციალური საიტი დაარქივებული 2008-09-24 საიტზე Wayback Machine.
• Official website of Pecs2010 Cultural Capital of Europe დაარქივებული 2018-10-01 საიტზე Wayback Machine.
• Baranya County Museums' Directorate
• Pécs in 360 panoramic images დაარქივებული 2009-01-02 საიტზე Wayback Machine.
• Aerial photography: Pécs
• Glas Koncila დაარქივებული 2009-09-05 საიტზე Wayback Machine.

მსოფლიო მემკვიდრეობა UNESCO, ობიექტი № 853 ინგლ. • რუს. • ფრ.

1. Pécs települési választás eredményei — National Election Office, 2019.
   <a href="https://wikidata.org/wiki/Track:Q30559937"></a>
2. http://www.ksh.hu/apps/hntr.telepules?p_lang=HU&p_id=19415