ნორვეგიის ზღვა

ნორვეგიის ზღვა ჩრდილოევროპის რუკაზე

ნორვეგიის ზღვა — ჩრდილოეთის ყინულოვანი ოკეანის მოსაზღვრე ზღვა, რომელიც მდებარეობს სკანდინავიის ნახევარკუნძულს, ისლანდიასა და კუნძულ იან-მაიენს შორის.

ფართობი 1,4 მლნ კმ², სიღრმე 3970 მ-მდე (საშუალი სიღრმეები — 1600–1750 მ), მოქცევათა სიმაღლე 3,3 მ-მდე, სიმლაშე — დაახლოებით 35 ‰. ნორვეგიის ზღვისთვის დიდი მნიშვნელობა ნორვეგიის თბილ დინებას აქვს, რომელიც თავის მხრივ, გოლფსტრიმის გაგრძელებაა; ამის წყალობით, ზამთრობით ნორვეგიის ზღვა არ იყინება. ნორვეგიის ნაპირებთან ზღვა ღრმა არ არის, ხშირია მეჩეჩები.

განვითარებულია თევზჭერა და ნავთობის მოპოვება. მნიშვნელოვანი პორტებია ნორვეგიული ქალაქები: ტრონჰეიმი, ტრომსე და ნარვიკი.

უდიდესი კუნძულებია: სიორეია, სეილანი, არნეია, რინგვასეია, კვალეია, სენია, ვესტეროლენის კუნძულები, ლოფოტენის კუნძულები, დიონა, ვეგა, ფრეია, ჰიტრა და სმიოლა ნორვეგიის ნაპირებთან.

რესურსები ინტერნეტში

• LoveToKnow Free Online Encyclopedia
• American Geophysical Union – Norwegian Sea Proposed as Storage Site for Carbon Dioxide დაარქივებული 2006-12-25 საიტზე Wayback Machine.
• Goliat – New oil field off Northern Norway discovered
• NASA: Smoke Over Norwegian Sea დაარქივებული 2007-08-23 საიტზე Archive.isCategory:Webarchive template archiveis links
• Coral reefs in the Norwegian Sea დაარქივებული 2009-08-31 საიტზე Wayback Machine.