La Mondala Kupo di Futbalo 2018 esis la 21ma Mondala Kupo di FIFA e kunigis lor la 32 maxim bona nacionala esquadi. Ol eventis en Rusia de la 14ma di junio til la 15ma di julio 2018.
Entote 12 stadii gastigis la futbalo-partii en 11 Rusa urbi: Moskva, Sankt-Peterburg, Kaliningrad, Kazan, Nijni Novgorod, Samara, Volgograd, Saransk, Rostov-na-Donu, Sochi, ed Yekaterinburg. En Moskva la partii eventis en 2 stadii: Otkrytie Arena, de la futbalo-klubo Spartak Moskva, e l'Olimpiala Stadio Luzhniki.
32 esquadi qualifikesis por interludar dum ta konkurso:
La sequanta mapo montras la partopreninta nacioni, e la kolori indikas la atingita plasi (1: championo; 2: subchampiono; e.c.).
Por la unesma fazo la 32 esquadi dividesis en 8 grupi qui singla konsistis ek 4 esquadi. Nur la du maxim bona esquadi ek singla grupo povis atingar la sequanta finala fazo.
*Japonia atingis la duesma plaso pro ke lu recevis min multa flava karti kam Senegal.