La Mondala Kupo di Futbalo 2022 esis la 22ma Mondala Kupo di FIFA e kunigis la 32 maxim bona nacionala esquadi. Ol eventis en Katar de la 20ma di novembro til la 18ma di decembro 2022.
Entote 8 stadii gastigis la futbalo-partii en 5 Kataran urbi: Doha (3 stadii), Lusail, Al-Khor, Al-Rayyan (2 stadii) ed Al-Wakrah. Unesmafoye en la historio la Mondala Kupo di Futbalo eventis en Araba e Mohamedana naciono. Ank unesmafoye en la historio, la Kupo eventis en novembro e decembro, vice en julio ed agosto, por preventar l'extrema varmeso di Katarana somero.
Arjentinia esis la vinkinto di la Kupo, pos vinkir Francia en la lasta partio, per maxima puniso.
32 esquadi qualifikesis por interludar dum ta konkurso:
L'aperto-ceremonio eventis en la stadio Al Bayt, che urbo Al Khor, ante la partio inter Equador e Katar. Ol inkluzis l'aparo di Usan aktoro Morgan Freeman e dil aktivisto Ghanim Al-Muftah, ed eventis muzikala spektaklo kun la partopreno di Sudkoreana kantisto Jungkook, membro de la grupo BTS, e dil Katarana kantisto Fahad Al Kubaisi.
Por la unesma fazo la 32 esquadi dividesis en 8 grupi qui singla konsistis ek 4 esquadi. Nur la du maxim bona esquadi ek singla grupo povis atingar la sequanta finala fazo.