Լայզա Մինելլի

Լայզա Մինելլի անգլ.՝ Liza Minnelli
Ծնվել է	մարտի 12, 1946(1946-03-12)[1][2][2]^[…] (78 տարեկան)
Ծննդավայր	Լոս Անջելես, ԱՄՆ[3]
Կրթություն	Chadwick School?, High School of Performing Arts?, Ֆիորելլո Հ. ԼաԳուադրդիա Ավագ դպրոց, Scarsdale High School? և HB Studio
Քաղաքացիություն	ԱՄՆ
Կրոն	Եպիսկոպոսյան եկեղեցի
Մասնագիտություն	դերասանուհի
Ժանրեր	փոփ[4], ավանդական փոփ երաժշտություն և ջազ
Ծնողներ	հայր՝ Վինսենթ Մինելլի, մայր՝ Ջուդի Գառլենդ
Ամուսին(ներ)	Փիթեր Ալեն, Jack Haley Jr.? և David Gest?
Պարգևներ և մրցանակներ	Փրայմթայմ Էմմի մրցանակ Գրեմմի Լեգենդի մրցանակ [5] Թատերական համաշխարհային մրցանակ [6] Տոնի մրցանակ մյուզիքլում կանացի լավագույն դերակատարման համար Տոնի մրցանակ մյուզիքլում կանացի լավագույն դերակատարման համար «Ոսկե ազնվամորի» մրցանակ՝ վատագույն դերասանուհու անվանակարգում [7] BAFTA մրցանակ կնոջ լավագույն դերակատարման համար Հոլիվուդյան փառքի ծառուղու աստղ Drama League Award? Hasty Pudding Woman of the Year? GLAAD Ավանգարդ մրցանակ և «Դավիդ դի Դոնաթելլո» մրցանակ լավագույն օտարերկրյա դերասանուհուն
officiallizaminnelli.com

Լայզա Մինելլի (անգլ.՝ Liza Minnelli, (մարտի 12, 1946(1946-03-12)^{[1][2][2][…]}, Լոս Անջելես, ԱՄՆ^[3]), ամերիկացի դերասանուհի և երգչուհի։

Հոլիվուդյան հայտնի դերասանուհի Ջուդի Գառլենդի և նրա երկրորդ ամուսնու՝ ռեժիսոր Վինսենթ Մինելլիի դուստրը։

Կենսագրություն

Լայզան ծնվել է 1946 թվականին Բեվերլի Հիլսում (ԱՄՆ)։ Մայրը՝ վաղամեռիկ դերասանուհի և երգչուհի Ջուդի Գառլենդն էր, հայրը՝ ռեժիսոր Վինսենթ Մինելլին, որի շնորհիվ էլ ձևավորվում է դստեր կատարողական դեմքը։ Առաջին անգամ հանդես է եկել Ալբերտ Ֆինեյի «Չարլզ Բուբըլս» ֆիլմում (1969), ապա նկարահանվում է Օտտո Պրեմինջերի «Ասա, որ ինձ սիրում ես» (1969), Ալան Պակուլայի «Պուքի» (1970): 1972 թվականին դերասանուհին խաղաց Բոբ Ֆոսսի «Կաբարե» ֆիլմում, ճանաչվեց տարվա լավագույն դերասանուհին, պարգևատրվեց «Օսկար» մրցանակով։ 1973 թվականին նա առաջին անգամ նկարահանվում է հոր՝ Վինսենթ Մինելլիի «Հիշողության ֆիլմ» կինոնկարում, որից հետո «Ժամանակի խնդիր» կինոնկարում» (1976): 1977 թվականին Մինելլին հանդես եկավ «Ֆրանսիական կանկան» ֆիլմում։ Նկարահանվել է նաև Սթիվ Գորդոնի «Արթուր» (1980) և Թոնի Պալմերի «Մյուզիք-հոլլը» (1981) կինոնկարներում։

Խաղացել է 25-ից ավելի ֆիլմերում, մեծ ճանաչում է նրան բերել «Կաբարե» ֆիլմը, մյուս նշանավոր ֆիլմերից են՝

• 1977 - «Նյու Յորք, Նյու Յորք»
• 1981 - «Արթուր»
• 1988 - «Ոստիկան վարձով»
• 1988 - «Արթուր 2. Քարի վրա»
• 1991 - «Բեմական նորամուտ»
• 1994 - «Զուգահեռ կյանքեր»
• 1995 - «Վեսթսայդյան վալս»

Օսկար մրցանակ է ստացել «Կաբարե» ֆիլմի համար Օսկար լավագույն դերասանուհու համար անվանակարգում^[8]։ Ստացել է նաև 2 Ոսկե Գլոբուս, 1 Էմմի, 2 Դավիդ դի Դոնատելլո, 1 BAFTA և այլն։

Ծանոթագրություններ

1. Schechter S. Encyclopædia Britannica
2. Internet Broadway Database — 2000.
3. Carnegie Hall linked open data — 2017.
4. Montreux Jazz Festival Database
5. https://www.oscars.org/oscars/ceremonies/1973
6. Theatre World Award Recipients — Theatre World Award.
7. 1988 Archive — Golden Raspberry Awards.
8. http://www.oscars.org/oscars/ceremonies/1973

Վիքիպահեստն ունի նյութեր, որոնք վերաբերում են «Լայզա Մինելլի» հոդվածին։