Royal Society

Royal Society
Tipo	academia de ciencias, editorial, editor de acceso aberto, sociedade científica e academia nacional
Campo de traballo	ciencia, historia natural e ciencias naturais
Data de fundación	novembro de 1660
Presidente/a	Adrian Smith (2020-)
Nº de membros	1.700 (2020)
Nº de empregados	219 (2021)
Premios	Premio Príncipe de Asturias de Comunicación e Humanidades e Premio Princesa de Asturias
Sede	Londres
País	Reino Unido
51°30′22″N 0°07′56″O
Na rede
http://royalsociety.org/
[ editar datos en Wikidata ]

A Royal Society of London for Improving Natural Knowledge é a máis antiga sociedade científica do Reino Unido e unha das máis antigas de Europa. Aínda que se adoita considerar o ano 1660 como o da súa fundación, o feito é que anos antes xa existía un grupo de científicos que se reunían con certa periodicidade. Mantén estreitas relación coa Academia Real Irlandesa fundada no 1782, mentres que a Real Sociedade de Edimburgo, fundada en 1783, mantense como unha institución escocesa independente. A pesar de ser unha institución privada e independente, fai ás veces de Academia Nacional de Ciencias no Reino Unido e é membro do Consello Científico Británico formado no 2000.

Sede en Carlton House Terrace, 6-9 (Londres)

Fundación

Dende o 1645 tiveron lugar reunións semanais en Londres de filósofos naturais e científicos doutras áreas do coñecemento, en particular do que por aquel tempo se denominaba Nova Filosofía ou Filosofía Experimental, e existen poucas dúbidas de que estas reunións filosóficas son as que Robert Boyle chamaba o Colexio Invisíbel ou Colexio Filosófico na súa correspondencia entre 1646 e 1647. Segundo John Wallis, estas reunións foron suxeridas por Theodore Hank, un alemán residente en Londres, e producíronse principalmente na residencia de Jonathan Goddard.

Xa dende os seus inicios o grupo tiña as súas normas de funcionamento. Reuníanse unha vez por semana e para evitar que se desviara a discusión do seu propósito orixinal estaba prohibido falar da deus, asuntos de estado ou actualidade, limitándose só aos temas a tratar, á Nova Filosofía e materias relacionadas —Medicina, Anatomía, Geometría, Navegación, Estática, Mecánica etc.— e os experimentos.

Durante a segunda guerra civil inglesa (1648-1649), que finalizou coa execución de Carlos II en 1660, parte do grupo moveuse a Oxford, onde mantivo reunións paralelas ás do grupo de Londres, que continuaron facéndose no colexio Gresham, durante o interregno até 1658, ano do falecemento de Oliver Cromwell. Trala restauración monárquica co ascenso ao trono de Carlos II en 1660, as reunións emprendéronse de novo en Londres, uníndose a elas o grupo que permanecera en Oxford.

A primeira reunión aconteceu o 28 de novembro. A ela acudiron William Brouncker, Boyle, Alexander Bruce, Robert Moray, Paul Neile, John Wilkins, Goddard, William Petty, Peter Ball, Lawrence Rooke, Christopher Wren, Abraham Hill. Tras unha lectura a cargo de Wren, os asistentes decidiron fundar unha Sociedade para a promoción do Saber Experiental Físico-Matemático, reunirse unha vez por semana, os mércores; estabelecer unha cota de ingreso de 10 xilins e unha cota semanal dun xilin, para sufragar os experimentos; e elixindo a Wilkins como presidente. Na seguinte reunión, o 5 de decembro, Robert Moray informou que o rei aprobaba o estabelecemento das reunións e estaba disposto a apoiar a creación da Sociedade. O 12 de decembro fixouse o número de membros en 55 sendo supernumerarios os baróns, membros do Colexio de Física e profesores universitarios de matemáticas, física e filosofía natural. O 6 de marzo de 1661 Moray foi elixido presidente en substitución de Wilkins.

O 18 de setembro de 1661 acordaron un borrador de estatutos e a cédula real de asociación foi asinada o 15 de xullo de 1662, momento no que oficialmente se constituíu a Royal Society. Nela figuraban os membro do Consello, nomeábase a William Brouncker primeiro presidente e permitíase nomear un «Comisario de Experimentos», o primeiro dos cales foi Robert Hooke, nomeado o 5 de novembro dese mesmo ano. De feito, xa dende o principio os experimentos tiñan grande importancia e consumían gran parte do tempo que duraban as reunións. A cédula real permitía tamén que a Sociedade fixera publicación e en 1664 editaban Sylva de John Evelyn e ao ano seguinte Micrographia, de Robert Hooke.

Vara regalo de Carlos II.

Nunha segunda cédula real do 23 de abril de 1663, o rei outorga as súas armas á sociedade, doa unha vara e é nomeado membro fundador. Noméanse dous secretarios, John Wilkins e Henry Oldenburg e faise referencia á Sociedade como Sociedade Real para o Avance da Ciencia Natural, que será o seu nome definitivo. O lema adoptado Nullius in verba (en palabras de ninguén) refírese á necesitade de obter evidencias empíricas para o avance do coñecemento en vez de recorrer ao criterio de autoridade, usado polos escolásticos.

Presidentes

O Presidente da Real Sociedade (PRS) é elixido entre a comunidade científica da Mancomunidade Británica de Nacións, cun mandato de cinco anos. O Presidente actual, dende o 1 de decembro de 2005, é o astrónomo Martin Rees.

Período Presidente 1662-1677 William Brouncker 1677-1680 Joseph Williamson 1680-1682 Christopher Wren 1682-1683 John Hoskins 1683-1684 Cyril Wyche 1684-1686 Samuel Pepys 1686-1689 John Vaughan 1689-1690 Thomas Herbert 1690-1695 Robert Southwell 1695-1698 Charles Montagu 1698-1703 John Somers 1703-1727 Isaac Newton 1727-1741 Hans Sloane 1741-1752 Martin Folkes 1752-1764 George Parker 1764-1768 James Douglas 1768-1768 James Burrow 1768-1772 James West 1772-1778 John Pringle 1778-1820 Joseph Banks 1820-1820 William Hyde Wollaston 1820-1827 Humphry Davy 1827-1830 Davies Gilbert 1830-1838 Príncipe Augustus Frederick 1838-1848 Spencer Compton 1848-1854 William Parsons 1854-1858 John Wrottesley 1858-1861 Benjamin Collins Brodie 1861-1871 Edward Sabine 1871-1873 George Biddell Airy 1873-1878 Joseph Dalton Hooker 1878-1883 William Spottiswoode 1883-1885 Thomas Henry Huxley 1885-1890 George Gabriel Stokes 1890-1895 William Thomson 1895-1900 Joseph Lister 1900-1905 William Huggins 1905-1908 John William Strutt 1908-1913 Archibald Geikie 1913-1915 William Crookes 1915-1920 Joseph John Thomson 1920-1925 Charles Sherrington 1925-1930 Ernest Rutherford 1930-1935 Frederick Gowland Hopkins 1935-1940 William Henry Bragg 1940-1945 Henry Hallett Dale 1945-1950 Robert Robinson 1950-1955 Edgar Douglas Adrian 1955-1960 Cyril Norman Hinshelwood 1960-1965 Howard Florey 1965-1970 Patrick Blackett 1970-1975 Alan Hodgkin 1975-1980 Alexander R. Todd 1980-1985 Andrew Huxley 1985–1990 George Porter 1990–1995 Michael Francis Atiyah 1995–2000 Aaron Klug 2000–2005 Bob May 2005-2010 Martin Rees

Escudo de armas.

Historia (incompleta)

• Década de 1640: encontros informais.
• 1660: fundación o 28 de novembro.
• 1661: preséntase o seu primeiro libro.
• 1662: Royal Charter dá permiso para a publicación.
• 1663: segundo Royal Charter.
• 1665. primeiro número de Philosophical Transactions.
• 1666: o incendio de Londres causa o traslado a Arundel House.
• 1710: compra as súas propias instalacións en Crane Court.

Membros famosos

Varios científicos famosos estiveron involucrados na súa fundación ou participaron na súa historia. O primeiro grupo inclúe Robert Boyle, John Evelyn, Robert Hooke, William Petty, Gottfried Leibniz, John Wallis, John Wilkins, Thomas Willis e Sir Christopher Wren. Isaac Newton demostrou a súa teoría da óptica ante eles e, posteriormente converteuse en presidente da sociedade. Thomas Bayes presentou o seu teorema por primeira vez ante esta sociedade.

Medallas

Son un total de dez:

• Medalla Buchanan , criada en 1897 – ciencias médicas.
• Medalla Copley, criada en 1731 – todos os ramos da ciencia.
• Medalla Darwin, criada en 1890 – ciencias biolóxicas sobre os traballos de Darwin.
• Medalla Davy, criada en 1877 – ciencias químicas.
• Medalla Gabor, criada en 1989 – ciencias da vida: bioloxía molecular e enxeñaría xenética.
• Medalla Hughes, criada en 1902 – ciencias físicas: electricidade e magnetismo.
• Medalla Leverhulme, criada en 1960 – química pura e aplicada.
• Medalla Real, criada en 1826 – ciencias naturais e aplicadas.
• Medalla Rumford, criada en 1800 – propiedades ópticas e térmicas aplicada á materia
• Medalla Sylvester, criada en 1901 – investigacións matemáticas.

Véxase tamén

Bibliografía

• Spratt, Thomas, History of Royal Society, Kessinger Publishing; (febreiro 1, 2003), ISBN 0-7661-2867-9

Ligazóns externas

• The Royal Society - Excellence in Science (en inglés)
• Sítio da Royal Society of Edinburgh (en inglés)
• Sítio da Royal Irish Academy (en inglés)