PROFILBARU.COM

Václav Havel
	; (2009)
Biografía
Nacemento	5 de outubro de 1936 ; Praga (Checoslovaquia)
Morte	18 de decembro de 2011 (75 anos); Hrádeček, República Checa (en)
Causa da morte	Insuficiencia respiratoria
Lugar de sepultura	Cemitério Vinohrady (pt) (2012–)
1º Presidente da República Checa
	2 de febreiro de 1993 – 2 de febreiro de 2003 ; ← sen valor – Václav Klaus →
President of Czechoslovakia (en)
	29 de decembro de 1989 – 20 de xullo de 1992 ; ← Gustáv Husák – Supresión do cargo →
Spokesperson of Charter 77 (en)
Datos persoais
Residencia	Rašínovo nábřeží 78 (en) (1986–1993); Rašínovo nábřeží 78 (en) (1936–1971); U dejvického rybníčku (en)
Relixión	Católico non practicante
Educación	Universidade Técnica de Praga (1955–1957); Akademické gymnázium Štěpánská (en) (–1955); Faculty of Theatre, Academy of Performing Arts in Prague (en)
Actividade
Campo de traballo	Teatro, drama, xornalismo de opinión e política
Ocupación	escritor, Activista polos dereitos humanos, Disidencia, ensaísta, filósofo, director de cinema, realizador, poeta, dramaturgo, político, xornalista de opinión
Período de actividade	- 2011
Empregador	Divadlo Na zábradlí (en) (1960–1968) ; University of Chemistry and Technology (en) (1951–1955) ; Divadlo ABC (en) ; Divadlo satiry (en) ; Divadlo U Nováků (en) ; Osvobozené divadlo (en) ; Brewery Krakonoš (en) ; Divadlo státního filmu (en) ; City Theatres of Prague (en) ; Divadlo V + W (en)
Partido político	Foro Cívico (1989–1991)
Membro de	Foro Cívico ; Academia das Artes e das Ciencias dos Estados Unidos ; Academia Bávara de Belas Artes ; Club de Roma ; Junák (en) ; Real Sociedade de Literatura ; Committee for the Defense of the Unjustly Prosecuted (en) ; Academia Alemá da Lingua e a Literatura ; Czech Helsinki Comitee (en) ; Carta 77 (pt)
Obra
	Obras destacables Largo desolato (en) ; (1963) The Garden Party (en) ; (1964) Antikódy (en) ; (1965) The Memorandum (en) ; (1975) Audience (en) ; (1978) The Power of the Powerless (en) ; (1986) Temptation (en) ; (2008) Leaving (en) ;
Familia
Cónxuxe	Dagmar Havlová (1997–2011), morte da persoa; Olga Havlová (1964–1996), morte do cónxuxe
Pais	Václav M. Havel e Božena Vavrečková
Irmáns	Ivan M. Havel
Parentes	Dagmar Havlová, cuñada; Hugo Vavrečka, avó; Vácslav Havel, avó
Cronoloxía
9 de decembro de 1997	Václav Havel's speech at the Rudolfinum in 1997 (en) (Dvořák Hall (en) )
	prisioneiro de conciencia
Premios
	(9 de maio de 1991) Premio Carlomagno../... 93+ ;
	Sinatura
Descrito pola fonte	UbuWeb; Obálky knih, ; Medvik >>>:Havel, Václav, 1936-2011,
Sitio web	vaclavhavel.cz

Václav Havel, pronunciado ['va:ʦlaf 'ɦavɛl], nado en Praga o 5 de outubro de 1936 e finado o 18 de decembro de 2011 na mesma cidade, foi un escritor, dramaturgo e político checo. Foi o último presidente de Checoslovaquia e o primeiro presidente da República Checa.

Traxectoria

Naceu no seo dunha familia acomodada de Praga, propietaria dun estudio cinematográfico e doutras empresas. Trala instauración dun goberno comunista en Checoslovaquia en 1948, a posición da súa familia viuse cuestionada e Hável non puido seguir estudos universitarios. Traballou como asistente nun laboratorio de química e despois como tremoísta ata que logrou establecerse como dramaturgo a partir de 1960, tras estudar literatura por correspondencia. En 1967 licenciouse finalmente en Arte Dramática. Neses anos cadou sona como autor poético con obras como Zahradni slavnost (1963) e Vyrozumeni (1965) e pertenceu literariamente a un grupo de escritores nucleado ao redor da revista Tvar.

Durante a Primavera de Praga de 1968, Hável xa era ben coñecido como dramaturgo e apoiou dende debates públicos e emisións de radio o programa de reformas impulsado por Alexander Dubcek. Opúxose publicamente á invasión soviética de Checoslovaquia que seguiu a estes feitos, e como consecuencia converteuse nun dos obxectivos centrais da represión post-primavera praguense. En 1969 tivo que deixar Praga e instalarse en Trutnova. Durante os anos seguintes foi encarcerado en diversas ocasións polas súas publicacións en defensa dos dereitos humanos, contra a censura e na defensa da democracia. En 1977 foi un dos promotores do movemento Carta 77, polo que foi acusado de sedición e condenado a prisión en 1979. Esta experiencia fixo medrar a súa sona dentro e fóra de Checoslovaquia como disidente. Excarcelado en 1984, Hável continuou dedicado ás actividades políticas e en 1989 foi elixido como líder do grupo opositor Foro Cívico, en paralelo ao proceso de perestroika que se estaba desencadeando na Unión Soviética. En 1986 foi galardoado co Premio Erasmus.^[1]

Firme defensor da resistencia non-violenta, tornouse unha icona da Revolución de Veludo no seu país, en 1989. O 29 de decembro de 1989, na calidade de xefe do Fórum Cívico, foi elixido presidente de Checoslovaquia polo voto unánime da Asemblea Federal; mantívose no cargo despois das eleccións libres de 1990, as primeiras no país dende a segunda guerra mundial.

A pesar das crecentes tensións, Havel apoiou a preservación da federación entre checos e eslovacos que finalmente conduciron á disolución da Checoslovaquia. O 3 de xullo de 1992, o parlamento federal non logrou elixilo único candidato a presidente debido á falta de apoio dos deputados eslovacos. Havel dimitiu oficialmente como presidente de Checoslovaquia o 20 de xullo de 1992. O 1 de xaneiro de 1993 fíxose efectiva a partición de Checoslovaquia. Cando se creou a República Checa, presentouse candidato ao cargo de presidente e venceu as eleccións o 26 de xaneiro de 1993.

Durante este primeiro mandato como presidente checo, apoiou a integración de Chequia na OTAN e iniciou o proceso para o futuro ingreso do país na Unión Europea. En 1996 a Havel diagnosticáronlle un cancro de pulmón e quedou viúvo. Malia iso, presentouse á reelección como presidente do país en 1998 e venceu as deleccións. Logo de agravarse o seu estado de saúde, deixou o posto de presidente o 2 de febreiro de 2003, e sucedeuno o seu grande adversario, Václav Klaus. Durante os últimos anos da súa vida dedicouse a dar conferencias e á escrita literaria.

Predecesor: Gustav Husák	Presidente de Checoslovaquia 1989 - 1992	Sucesor: Jan Stráský, en funcións
Predecesor: non houbo	Presidente da República Checa 1993 - 2003	Sucesor: Václav Klaus

Obra

Textos teatrais

Rodinný večer, 1960
Zahradní slavnost, 1963
Vyrozumění, 1965
Ztížená možnost soustředění, 1968
Anděl strážný, 1968
Motýl na anténě, 1968
Spiklenci, 1971
Žebrácká opera, 1972
Audience, 1975
Vernisáž, 1975
Horský hotel, 1976
Protest, 1978
Chyba, 1983
Largo desolato, 1984
Pokoušení, 1985
Asanace, 1987
Zítra to spustíme, 1988
Odcházení, 2007

Ensaios

Dopis Gustávu Husákovi, 1975
Moc bezmocných, 1978
Politika a svědomí, 1984
Anatomie jedné zdrženlivosti, 1985
Děkovná řeč za Erasmovu cenu, 1986
O smyslu Charty 77, 1986
Příběh a totalita, 1987
Slovo o slovu, 1989

Poesía

Antikódy, 1964
Protokoly, 1966
Dopisy Olze, 1983
O lidskou identitu, 1984
Dálkový výslech, 1986
Do různých stran, 1989
Projevy, 1990
Letní přemítání, 1991
Pižďuchové, 2003
Prosím stručně, 2006

Vida privada

Václav Havel casara con Olga Splichawba-Havlova, que faleceu en 1996. Ao ano seguinte casou coa actriz Dagmar Veskronova-Havlova.

Notas

↑ Fundación Praemium Erasmianum (ed.). "Former Laureates - Praemium Erasmianum". Arquivado dende o orixinal o 03 de maio de 2019. Consultado o 9 de novembro de 2015.