Matres e Matronas

Relevo en terracota dunhas Matres, de Bibracte, cidade dos Aedui, Galia.

As Matres (latín "nais"^[1]) e Matronas (latín "matronas"^[1]) eran deidades femininas veneradas no Noroeste de Europa dende o século I ó V. Son representadas en obxectos votivos e altares que amosan imaxes de deusas, en grupos de tres, que contan con inscricións (a metade delas con nomes celtas, e a outra metade con nomes xermanos). Foron veneradas nas rexións que foron ocupadas polo exército romano entre os século I e V, é dicir, Xermania, Galia oriental, e norte de Italia.^[2]

A información sobre as prácticas relixiosas que rodean ás Matres limítase ás pedras nas cales foron atopadas as inscricións, das cales tense constancia dunhas 1.100.^[2] As matres xermánicas teñen unha conexión cos mitos das dísir, valquirias e norns, das cales tense constancia en fontes literarias do século XIII.^[1]

Matronae Aufaniae de Bonn

As matres tamén aparecen en relevos e inscricións votivas noutras áreas ocupadas polos romanos, como o sueste da Galia (Bibracte); en Galicia e Portugal, onde se coñecen unhas vinte inscricións, algunhas das cales teñen epítetos locais como Matribus Gallaicis "ás nais galegas";^[3] e tamén na antiga cultura romano-celta de Pannonia, na inscrición Nutrices Augustae atopada en Ptuj, Baixa Estiria.^[4]

Notas

1. Lindow (2001:224).
2. Simek (2007:204-205).
3. CIL II 2776.
4. K. Wigand, "Die Nutrices Augustae von Poeticio" Jahreshrift Österreiches Archäologisches Institut 18 (1915), pp 118-218, illus., noted by Susan Scheinberg, "The Bee Maidens of the Homeric Hymn to Hermes" Harvard Studies in Classical Philology 83 (1979), p 2.

Véxase tamén

Wikimedia Commons ten máis contidos multimedia na categoría:  Matres e Matronas

Bibliografía

• Lindow, John (2002). Norse Mythology: A Guide to Gods, Heroes, Rituals, and Beliefs (en inglés). Oxford University Press. ISBN 978-0-19-983969-8. 
• Simek, Rudolf (1996). Dictionary of Northern Mythology (en inglés). D.S. Brewer. ISBN 978-0-85991-513-7. 

Bibliografía adicional

• Garman, Alex Gustav (2008). The Cult of the Matronae in the Roman Rhineland: An Historical Evaluation of the Archaeological Evidence (en inglés). Lewiston, New York: Edwin Mellen Press. ISBN 978-0-7734-5224-4. 
• Spickermann, Wolfgang. "NOUVELLES RÉFLEXIONS RELATIVES À LA GENÈSE ET AUXVECTEURS DU CULTE MATRONAL DANS LA RÉGION DU RHIN INFÉRIEUR." Cahiers Du Centre Gustave Glotz 13 (2002): 141-67. www.jstor.org/stable/24359212.