Belatucadros ou Belatucadrus é unha deidade celta adorada no norte de Britania, particularmente en Cumberland e Westmorland. Está relacionado con Belenus e Cernunnos, e foi equiparado co deus romano Marte. Semella que foi louvado tanto polos soldados romanos de baixo rango como polos propios britanos.
Belatucadros é coñecido por 28 inscricións atopadas nos arredores da Muralla de Hadrián, Inglaterra. A escrita do nome do deus varía dunha inscrición a outra: Balatocadrus, Balatucadrus, Balaticaurus, Balatucairus, Baliticaurus, Belatucairus, Belatugagus, Belleticaurus, Blatucadrus e Blatucairus son aceptadas como variantes de Belatucadros. A máis común destas formas é Belatucadrus, polo que é o máis usado nos escritos modernos. En cinco desas inscricións, Belatucadros é equiparado co deus romano Marte como Mars Belatucadrus.
Os altares dedicados a Belatucadros son pequenos e sinxelos, o cal fai supoñer que o deus era adorado principalmente por xente de baixo status social.
Véxase tamén
Bibliografía
- Coulston, Jon C. & Phillips, E.J. (1988). Corpus Signorum Imperii Romani, Great Britain, Volume I, Fascicule 6. Hadrian's Wall West of the North Tyne, and Carlisle (p. 55). Nova York e Oxford: Oxford University Press. ISBN 0-19-726058-6.
- Fairless, K.J. (1984). "Three religious cults from the northern frontier region" (p. 225–228). R. Miket e C. Burgess (eds.), Between and Beyond the Wall. Essays on the Prehistory and History of North Britain in Honour of George Jobey (pp. 224–242). Edinburgh: John Donald Publishers. ISBN 0-85976-087-1.
- Green, Miranda J. (1992). Dictionary of Celtic Myth and Legend (p. 42). Londres: Thames and Hudson. ISBN 0-500-01516-3.
- MacCulloch, J. A. (1911). The religion of the ancient Celts. Nova York: Dover Publications. ISBN 0-486-42765-X
- Ross, Anne (1967). Pagan Celtic Britain. Routledge & Kegan Paul. ISBN 0-902357-03-4.
[[Categoría:Deuses britanos]
