PROFILBARU.COM

Elias Canetti
Nome orixinal	(en) Elias Canetti
Biografía
Nacemento	25 de xullo de 1905; Ruse
Morte	14 de agosto de 1994; Zürich
Lugar de sepultura	Cemiterio de Fluntern, 80426
País de nacionalidade	Búlgara
Educación	Universidade de Viena
Actividade
Campo de traballo	Novela
Lugar de traballo	Viena
Ocupación	Escritor
Período de actividade	(Con vida en: 1981 )
Membro de	Academia Alemá da Lingua e a Literatura ; Academia Bávara de Belas Artes
Obra
	Obras destacables (1936) Auto-de-Fé (pt) ; (1977) A lingua absolvida (pt) ;
Arquivos en	Biblioteca Central de Zurique (pt) [ Nachl. E. Canetti Ø - 1011; CAN 1 - 9577; CAN 10000 - 19134] ;
Familia
Cónxuxe	Veza Taubner, Hera Buschor
Irmáns	Georges Canetti; Jacques Canetti
Premios
	(1985) cidadán de honra de Viena; (1981) Premio Nobel de Literatura; (1981) Premio Franz Kafka; (1981) Franz-Kafka-Preis (en) ; (1980) Johann-Peter-Hebel-Preis (en) ; (1979) Orde do Mérito das Ciencias e as Artes; (1977) Gottfried-Keller-Preis (en) ; (1975) Premio Nelly Sachs; (1975) Franz Nabl Prize (en) ; (1972) Condecoración Austríaca das Ciencias e as Artes; (1972) Prêmio Georg Büchner (pt) ; (1969) Literature Award of the Bavarian Academy of the Fine Arts (en) ; (1967) Grand Austrian State Prize for Literature (en) ; (1966) City of Vienna Literature Prize (en) ; Grand Austrian State Prize for Literature (en) ; honorary doctor of the University of Manchester (en) ; doutor honoris causa pola Universidade de Graz; Gran Cruz da Orde do Mérito da República Federal de Alemaña; Pour le Mérite ;
	Sinatura
Descrito pola fonte	Obálky knih,

Elias Canetti, nado en Rustschuk, agora chamada Ruse, na actual Bulgaria, o 25 de xullo de 1905 e finado en Zürich o 14 de agosto de 1994, foi un escritor e pensador en lingua alemá, Premio Nobel de Literatura en 1981.

Traxectoria

Canetti era fillo dunha familia comerciante xudía de orixe sefardí (o seu apelido provén de Cañete, localidade da Cuenca). Viviu na actual Bulgaria ata que en 1911 se trasladou a Gran Bretaña, máis precisamente á cidade de Manchester, onde tomou contacto coas mellores obras da literatura universal. Desde neno dominaba o búlgaro, o alemán e o sefardí, idioma que asociaba a fortes recordos da infancia. Morto o seu pai, ao ano seguinte a familia emigrou a Viena, onde viviu a primeira guerra mundial e enorgullécese cos seus pequenos amigos de ser "británico antes que austríaco". Unha vez instalado en Austria, utilizará o alemán principalmente.

Tras pasar por Zürich e Alemaña, regresou de novo a Viena en 1924 como estudante de Ciencias Químicas, licenciándose en 1929. Porén, a súa gran paixón era a literatura, a cuxo estudo se dedicaba en Suíza. Durante a súa estancia en Viena, contraeu matrimonio coa tamén escritora Veza Taubner, e redactou as súas primeiras obras: Die Hochzeit, Komoedie der Eitelkeit e Die Blendung. En 1938, logo da Noite dos cristais rotos en Austria, Canetti trasladouse a Londres, obtendo a cidadanía británica en 1952. En Gran Bretaña viviu pobremente traballando nunha das súas obras magnas, Masse und Macht, influído notablemente pola Alemaña nazi que puidera ver de cerca.

Incómodo coa mentalidade e os costumes ingleses, mostrouse moi crítico coa intelectualidade do país, como describe no seu libro Party im Blitz. Foi amante da novelista británica Iris Murdoch, de quen deixou neste libro un retrato inmisericorde. A partir da década de 1970 viviu en Zürich ata a súa morte, acontecida o 14 de agosto de 1994. En 1971, tras a morte da súa primeira esposa, casa coa restauradora de arte Hera Buschor, de quen ten unha filla. En 1972 recibiu o Premio Georg Büchner, a máis importante distinción literaria en lingua alemá, e en 1981 o Premio Nobel de Literatura. Entre os fundamentos da entrega do Nobel menciónase o seu estudo dos movementos de masas e, de xeito especial, da brutalidade do nacionalsocialismo xermano e das ditaduras en xeral. O conxunto da súa obra persoal non poderá ser coñecido ata o 2024 polas súas propias disposicións testamentarias.