Cádizko badian zehar dago, Ozeano Atlantikoan, Portugal eta Gibraltar artean, nagusiki hiri turistikoa da, Europa osoko bidaiarientzako oporretako helmuga. Sasoi baxuan, bere jarduera nagusia arrantza industria da. Udalerrian Rotako itsas-basea dago, udalerriko enplegu-iturririk handiena dena.
Historia
Azterketa arkeologikoen arabera, Brontze Aroan jada biztanleak zituen. Gaur egungo hiria feniziarrek sortu zuten. Rota Tartessos garaiko Astarot izenaz ezagutzen zuten hiria bera dela uste dute. Geroago, hiria erromatarrengana pasa eta haiek Speculum Rotae zioten.
Musulmanen etorreraren ondoren, hiriak Rabita Rutta (euskaraz: «Rotako erloju-dorrea») izena hartu zien, eta hortik datorkio bere egungo izena. 1217an, Bosgarren Gurutzadara zihoazen frisiar gurutzatu talde batek hiria eraso zuen.[1] 1248 urtetik aurrera, Errekonkistaren ondorioz, hiria kristau bihurtu zen. 1297an, Antso IV.akGuzman Onari hiria eman zion, Tarifa defendatu zuelako. Geroago, honek Elisabet bere alabari eman zion ezkontza-opari gisa. Elisabet Fermin Ponce de León Alcántarako Maisu eta Marchenako lehen jauna ezkondu zuen. Castillo de la Luna (euskaraz: «Ilargiaren gaztelua») eraikinaren eraikuntza 1295ean hasi zen, Pérez de Guzmánen agintaldia baino bi urte lehenago. Erdi Aroan, hiria iparraldeko Afrikarekin merkataritzan aritzeko portu garrantzitsua zen. 1780an Antonio Ponce de León Arcoko 11. dukea oinordekorik gabe hil zen, eta hiria Osunako dukearen eskuetan amaitu zen.
.png)
