Беларускі вызвольны рух у Аўстраліі

Беларускі вызвольны рух у Аўстраліі, Беларускі вызвольны фронт у Аўстраліі заснаваны на арганізацыйным сходзе ў Мельбурне ў 1952 г. Частка Беларускага Вызвольнага Руху і Беларускага Вызвольнага Фронту. У складзе налічвалася больш як 30 ваенных. Найбольш дзейсны аддзел існаваў у Мельбурне. Галоўнай мэтай меў аб'яднанне беларускіх ваенных для актыўнай грамадскай дзейнасці.

У 1955 г. (згодна з палітычнымі падзеямі ў беларускай паваеннай эміграцыі) замест Руху створаны Беларускі вызвольны фронт з тымі ж задачамі дзейнасці. Фронт скіроўваў сваю дзейнасць на аб'яднанне беларускіх ваенных, рэпрезентацыю Беларусі на міжнародных антыкамуністычных канферэнцыях. БВФ у Аўстраліі з'яўляецца членам Федэральнай рады беларускіх арганізацый у Аўстраліі.

Дзейнасць аддзела БВФ Мельбурна ішла супольна з Беларускім аб'яднаннем у Вікторыі, у шэрагах якога было шмат былых ваенных. Таксама пад апекай аддзела дзейнічала беларуская спартыўная дружына «Зубр» (спачатку футбольная, потым валейбольная).

Кіраўнікі Краёвага штаба

• капітан Антон Булаўскі^[1].
• Сяргей Розмысл 1955 — 1969
• Алесь Алехнік 1969 — 1982
• Уладзімір Шнэк 1982 — 1986^[2]
• Міхась Шнэк 1986 — 1992
• Алег Шнэк 1992 — 2005^[3]

Зноскі

1. кіраўнік арганізацыйнага бюро. Намеснікам А. Булаўскага быў лейтэнант Міхась Шэка
2. Пазней уваходзіў у Галоўны штаб Беларускага вызвольнага фронту
3. Эміграцыйная гісторыя ў асобах. 16 жніўня. Алег Шнэк, Гатковіч, Брылеўскі, Мароз

Гл. таксама

• Беларускі Вызвольны Рух

Літаратура

• [Б. а.] Кароткія весткі з усякага сьвету. Аўстралія // Незалежная Беларусь. — 1952. — № 6. — С.
• Гардзіенка, Н. Беларусы ў Аўстраліі: да гісторыі дыяспары / Натальля Гардзіенка; Прадмова І. Сурвіллы. — Мн.: Беларускі кнігазбор, 2004. — 468 с., [4] арк. — (Бібліятэка Бацькаўшчыны, Кніга 3). — С. 445—446. — ISBN 985-6730-79-1.