14 cm Minenwerfer M. 15 (14 cm мінамёт M. 15) — мінамёт, стаяў на ўзбраенні Аўстра-Венгрыі падчас Першай сусветнай вайны. Быў распрацаваны Škoda ў якасці альтэрнатывы мінамёту нямецкай фірмы Rheinmetall, да якога не было магчымасці набыць боепрыпрасы. Мінамёт дульназарадны, наразны. Прадугледжана магчымасць транспарціроўкі на двухколавай калясцы. У варыянце М 16 было палепшана кручэнне снараду ўнутры ствала, што павялічыла далёкасць выстралу да 1080 метраў.
Першая партыя з 100 мінамётаў была заказана ў маі 1915 года. Другая партыя ўвесну 1916 года, але пастаўкі былі маруднымі; толькі 88 асобнікаў з другой партыі маглі быць адпраўлены на фронт да мая 1916 года. Трэцяя партыя з 300 асобнікаў была заказана ў лістападзе 1916 года, але вытворчасць была такая, што да вясны 1917 года было дастаўлена толькі 30 адзінак.
Літаратура
- Ortner, M. Christian.. The Austro-Hungarian Artillery From 1867 to 1918: Technology, Organization, and Tactics... — Vienna: Verlag Militaria, 2007. — ISBN 978-3-902526-13-7.
.svg){kind=small}
