Тэхас (англ.: Texas) — штат на поўдні ЗША. Займае 2-е месца па плошчы (пасля Аляскі) і па насельніцтву (пасля Каліфорніі). З’яўляецца адным з цэнтраў сельскай гаспадаркі, жывёлагадоўлі, адукацыі, а таксама нафтавай і хімічнай прамысловасцяў ЗША.
Тэхас размешчаны на поўдні ЗША на мяжы з Мексікай. Таксама мяжуе са штатамі Нью-Мексіка, Аклахома, Арканзас і Луізіяна. Мае выхад да Мексіканскага заліва.
Сталіца штата — горад Осцін. На тэрыторыі штата налічваюцца 22 агламерацыі і 2 мегаполіса. Самыя буйныя гарады — Х'юстан, Далас і Сан-Антоніа, Арлінгтан, Корпус-Крысты.
Штат Тэхас мае складаную судовую структуру, яна падзяляецца на 5 шырокіх узроўняў: вышэйшыя апеляцыйныя суды, прамежкавыя апеляцыйныя суды, дзяржаўныя суды першай інстанцыі, акруговыя суды і мясцовыя суды першай інстанцыі.[4]
У 2018 годзе ўзровень злачыннасці ў штаце знізіўся на 5,4% у параўнанні з 2017 годам.[5]