Пан быў знойдзены ў 1990 годзе Маркам Шоўолтэрам ў кольцах Сатурна пры аналізе фотаздымкаў, зробленых у 1981 АМС Вояджэр-2, і атрымаў часовае абазначэнне S/1981 S 13. 16 верасня 1991 г. спадарожнік атрымаў афіцыйную назву ў гонар міфалагічнага Пана.
Арбіта
Пан здзяйсняе поўны абарот вакол Сатурна на адлегласці ў сярэднім 133583 км за 13 гадзін і 48 хвілін, пры гэтым яго арбіта праходзіць проста па экватары. Спадарожнік рухаецца ўсярэдзіне дзялення Энке знешняга кольца A. Пры гэтым ён з'яўляецца спадарожнікам-«пастухом», уздзейнічаючы сваёй гравітацыяй, ён ачышчае наваколлі сваёй арбіты ад часціц кольца. Існаванне спадарожніка ўнутры дзялення Энке было прадказана яшчэ ў 1985 годзе, калі «Вояджэр» пралятаў міма Сатурна.
