Касцёл Хрышчэння Пана i Святой Тэрэзы ад Дзіцятка Езус (Пятроўшчына)

Каталіцкі храм
Касцёл Хрышчэння Пана i Святой Тэрэзы ад Дзіцятка Езус
55°14′45″ пн. ш. 27°33′28″ у. д.^HGЯO
Краіна	Беларусь
Вёска	Пятроўшчына
Канфесія	Рымска-каталіцкая царква
Епархія	Віцебская дыяцэзія
Дэканат	Глыбоцкі дэканат
Дата пабудовы	XX стагоддзе

Касцёл Хрышчэння Пана i Святой Тэрэзы ад Дзіцятка Езус — мураваны каталіцкі храм у вёсцы Пятроўшчыне Глыбоцкага раёна Віцебскай вобласці. Знаходзіцца ў цэнтры вёскі.

Гісторыя

Пабудаваны ў канцы XX стагоддзя з цэглы на аснове грамадзянскага будынка. Добраўпарадкаваная тэрыторыя акаймавана бутавым бардзюрам, насычана архітэктурай малых форм: шэраг мураваных арачных каплічак, бутавыя горкі-гроты з культавай скульптурай, металічны масток цераз сажалку.

Архітэктура

Вырашаны прамавугольным у плане аднапавярховым будынкам пад двухсхільным дахам. Да вугла алтарнай часткі дабудавана драўляная васьмігранная шатровая вежа-званіца. Франтальны фасад расчлянёны прамавугольнымі аконнымі праёмамі, уваход арганізаваны пад вуглавой нішай-тэрасай^[1][2].

Зноскі

1. Касцёл. Глыбоцкі раён, в. Пятроўшчына
2. ПЯТРОЎШЧЫНАЎСКІ КАСЦЁЛ (нявызн.)(недаступная спасылка). Архівавана з першакрыніцы 17 красавіка 2024. Праверана 23 студзеня 2020.

Літаратура

• Каталіцкія храмы Беларусі: Энцыкл. даведнік / А. М. Кулагін; фатограф А. Л. Дыбоўскі. — 2-е выд. — Мн.: БелЭн, 2008. — 488 с. — ISBN 978-985-11-0395-5.

Спасылкі

• Касцёл Хрышчэння Пана i Святой Тэрэзы ад Дзіцятка Езус (Пятроўшчына) на сайце Глобус Беларусі (руск.)
• Касцёл Хрышчэння Пана i Святой Тэрэзы ад Дзіцятка Езус (Пятроўшчына) на сайце Catholic.by (бел.)