Касцёл Святых Апосталаў Пятра і Паўла (Азярцы)

Каталіцкі храм
Касцёл Святых Апосталаў Пятра і Паўла
54°15′07″ пн. ш. 26°34′37″ у. д.^HGЯO
Краіна	Беларусь
Аграгарадок	Азярцы
Канфесія	Каталіцызм
Епархія	Віцебская дыяцэзія
Будаўніцтва	2007
Стан	дзейнічае

Касцёл Святых Апосталаў Пятра і Паўла — мураваны каталіцкі храм у аграгарадку Азярцы Глыбоцкага раёна Віцебскай вобласці. Касцёл размешчаны насупраць былога сядзібнага дома Аскеркаў.

Гісторыя

Пабудаваны ў 2007 годзе з цэглы. Са слоў мясцовых жыхароў, касцёл пабудавалі на месцы разабранай сядзібнай пабудовы.

Архітэктура

Вырашаны прамавугольным у плане аб’ёмам пад 2-схільным дахам, які над алтарнай часткай з бакавымі сакрысціямі пераходзіць у вальмавы, завершаны каркаснай шатровай сігнатуркай. Да фасада далучаны прытвор-званіца. Бакавыя фасады рытмічна расчлянёны арачнымі аконнымі праёмамі^[1].

Зноскі

1. Касцёл Маці Божай Ружанцовай і Ісуса Хрыста. Глыбоцкі раён, в. Азярцы

Літаратура

• Касцёл Маці Божай Ружанцовай і Ісуса Хрыста // Кулагін, А. М. Каталіцкія храмы Беларусі / А. М. Кулагін; фатограф А. Л. Дыбоўскі. — Мінск : БелЭн імя П. Броўкі, 2008. — С. 10.
• Марцынкевіч, Р. Новая святыня на Глыбоччыне / Р. Марцынкевіч // Веснiк Глыбоччыны. — 2007. — 18 ліп. — С. 1-2.

Спасылкі

• Азярцы — парафія Св. Пятра і св. Паўла, апосталаў, i св. Марціна з Турс, біскупа на old.catholic.by
• Касцёл Святых Апосталаў Пятра і Паўла (Азярцы) на сайце Глобус Беларусі (руск.)