Д — пятая літара беларускага алфавіта. Мае кірылічнае паходжанне на аснове грэка-візантыйскага пісьма. Мела лічбавае значэнне «чатыры». У сучаснай беларускай мове абазначае шумны звонкі выбухны пярэднеязычны зычны гук «д» («дарога, дуброва»), а перад глухімі зычнымі і на канцы слоў – парны да яго звонкасці і глухасці гук «т» («кладка» — «клатка», «сад» – «сат»).
Літаратура
- Беларуская энцыклапедыя: У 18 т. Т.5: Гальцы — Дагон / Рэдкал.: Г. П. Пашкоў і інш. — Мн.: БелЭн, 1997. — Т. 5. — 576 с. — 10 000 экз. — ISBN 985-11-0090-0.
