Fatma Yıldırım

Fatma Yıldırım
Azərbaycan Respublikası Milli Məclisinin deputatı
Vəzifədədir
10 mart 2020-ci ildən
Seçki dairəsi	VI çağırış — 93 saylı Bərdə şəhər VII çağırış — 99 saylı Bərdə
Şəxsi məlumatlar
Doğum tarixi	12 yanvar 1973(1973-01-12) (51 yaş)
Doğum yeri	Bakı, Azərbaycan SSR, SSRİ
Partiya	Yeni Azərbaycan Partiyası
Təhsili	BDU Fizika fakültəsi
Fəaliyyəti	siyasətçi
Təltifləri

Fatma Vidadi qızı Yıldırım (12 yanvar 1973, Bakı) — Azərbaycan ictimai-siyasi xadimi, fizika-riyaziyyat elmləri namizədi, Azərbaycan Respublikasının Milli Məclisinin VI və VII çağırış deputatı (2020-ci ildən).

Həyatı

Fatma Yıldırım 1974-cü il yanvarın 12-də Bakı şəhərində anadan olub. 1990–1995-ci illərdə Bakı Dövlət Universitetində (BDU) fizika üzrə ali təhsil alıb. Fizika-riyaziyyat üzrə elmlər namizədidir.^[1]

Fatma Yıldırım 2012–2016-cı illərdə İçərişəhər Dövlət Tarix-Memarlıq Qoruğu İdarəsində insan resursları şöbənin müdir müavini, 2016–2018-ci illərdə isə Mənzil İnşaatı Dövlət Agentliyində (MİDA) insan resursları şöbəsinin müdiri vəzifəsində çalışıb.

2018-ci ildən o, Dövlət Şəhərsalma və Memarlıq Komitəsində insan resursları şöbəsinin müdiri vəzifəsində çalışırdı.

Ailəsi

Fatma Yıldırım ailəlidir, 2 övladı var. Professor Vidadi Yusif oğlu Əliyevin qızıdır.

Siyasi fəaliyyəti

2012-ci ildən çalışdığı qurumlarda Yeni Azərbaycan Partiyasının ərazi üzrə təşkilatlarının sədr müavini olub, eyni müddət ərzində Birləşmiş Həmkarlar İttifaqı Komitəsinə sədrlik edib.

Fatma Yıldırım Belçika Krallığında 2003-cü ildə yaradılmış "Avropa Azərbaycanlıları Mərkəzi"nin təsisçisi və rəhbəri olub.^[1]

2020-ci il fevralın 9-da baş tutan parlament seçkilərində 93 saylı Bərdə şəhər dairəsindən Yeni Azərbaycan Partiyasının (YAP) namizədi olan Fatma Yıldırım, 65,70% səslə VI çağırış Milli Məclisin deputatı seçildi.^[2] Milli Məclisin Elm və təhsil komitəsinin, habelə Təbii ehtiyatlar, energetika və ekologiya Komitəsinin üzvüdür.^[3]

Belçika, Çexiya, İsrail, İtaliya, Qazaxıstan, Latviya, Niderland, Özbəkistan, Rusiya, Səudiyyə Ərəbistanı, Türkiyə parlamentləri ilə əlaqələr üzrə işçi qruplarının üzvüdür.^[3]

GUAM-ın Parlament Assambleyasında Azərbaycan nümayəndə heyətinin üzvüdür.^[3]

2024-cü il oktyabrın 8-də Azərbaycan - Səudiyyə Ərəbistanı parlamentlərarası əlaqələr üzrə işçi qrupunun rəhbəri seçilib.^[4]

İstinadlar

1. "YAP-ın deputatlığa namizədi- FATMA YILDIRIM KİMDİR?". etikxeber.az (az.). 29 dekabr 2019. 2021-10-18 tarixində arxivləşdirilib. İstifadə tarixi: 6 avqust 2021.
2. "Candidates elected by constituencies in the Parliamentary elections to be held in Azerbaijan on february 9, 2020" ( (az.)). 10.02.2020. 20.08.2020 tarixində arxivləşdirilib. İstifadə tarixi: 20.08.2020.
3. "YILDIRIM Fatma Vidadi qızı". meclis.gov.az (az.). Azərbaycanın Milli Məclisi.
4. "Milli Məclisin parlamentlərarası əlaqələr üzrə işçi qruplarına rəhbərlər seçilib - SİYAHI". Apa.az (az.). 2024-10-08 tarixində arxivləşdirilib. İstifadə tarixi: 2024-10-22.