PROFILBARU.COM

Tahir Rzayev
Tahir Rzayev
Azərbaycan Respublikasının Milli Məclisi II, III, IV, V və VI çağırış deputatı
	Vəzifədədir
	16 noyabr 2001-ci ildən
Seçki dairəsi	2001 — 52 saylı Ağcabədi; 2005, 2010, 2015, 2020 — 82 saylı Ağcabədi
Əvvəlki	Fəxrəddin Həsənov (52 saylı Ağcabədi); Vəzifə təsis edildi. (82 saylı Ağcabədi)
Sonrakı	Vəzifə ləğv edildi. (52 saylı Ağcabədi)
Ağcabədi Şəhər Bələdiyyəsinin sədri
	1999 – 2001
Əvvəlki	Vəzifə təsis olundu.
Şəxsi məlumatlar
Doğum tarixi	24 fevral 1950 (74 yaş)
Doğum yeri	Ağcabədi, Ağcabədi rayonu, Azərbaycan SSR, SSRİ;
Partiya	Yeni Azərbaycan Partiyası;
Təhsili	Bakı Dövlət Universiteti;
Fəaliyyəti	siyasətçi
Təltifləri

Tahir Rzayev (24 fevral 1950, Ağcabədi) — Azərbaycan Respublikasının Milli Məclisi II, III, IV, V və VI çağırış deputatı, Azərbaycan Yazıçılar Birliyinin üzvü, filologiya üzrə fəlsəfə doktoru.

Həyatı

Tahir Rzayev 24 fevral 1950-ci ildə Ağcabədi rayonunun Xəlfərəddin kəndində anadan olmuşdur. O, Azərbaycan Dövlət Universitetinin Filologiya fakültəsində və Bakı Ali Partiya Məktəbində təhsil almışdır. Azərbaycan Yazıçılar Birliyinin üzvüdür. 20 kitabın müəllifidir. Rus dilini bilir.

1970-ci ildən Ağcabədi rayonunun tikinti idarələrində fəhlə olaraq çalışmışdır.

Evlidir, 3 övladı var.

İctimai-siyasi fəaliyyəti

Tahir Rzayev 1971-ci ildən Ağcabədi rayonunda çıxan "Sürət" qəzetində ədəbi işçi, 1977-ci ildən rayon Komsomol Komitəsinin ikinci katibi, birinci katibi, 1982-ci ildən Ağcabədi Rayon Partiya Komitəsinin təlimatçısı, 1987-ci ildən Ağcabədi Rayon İcraiyyə Komitəsi sədrinin birinci müavini, Ağcabədi Rayon Partiya Komitəsinin ikinci katibi işləmişdir.

1989−1994-cü illərdə rayon yemçilik birliyində fəhlə, "Ülfət" qəzetində ədəbi işçi, "Aran" qəzetində şöbə müdiri, 1994–1999-cu illərdə Ağcabədi Rayon İcra Hakimiyyəti başçısının köməkçisi, İcra Hakimiyyətinin şöbə müdiri, 1999–2001-ci illərdə Ağcabədi şəhər bələdiyyəsinin sədri vəzifələrində çalışmışdır.

Yeni Azərbaycan Partiyası üzvüdür.