|
Messier 30
Messier 30 of M30 (ook bekend as NGC 7099) is ’n bolvormige sterreswerm in die sterrebeeld Steenbok. Dit is in 1764 deur Charles Messier ontdek en in sy katalogus van komeetagtige voorwerpe opgeneem. Hy het dit beskryf as ’n ronde newel sonder ’n ster.
M30 kan goed deur ’n verkyker gesien word as ’n kol newelagtige lig wat sowat 4 boogminute breed is.[1] Met ’n groter instrument kan individuele sterre gesien word.[2]
Die sterreswerm is sowat 29 400 ligjare van die Aarde af en is sowat 93 ligjare breed.[2] Sy ouderdom word op rofweg 12,93 miljard jaar geraam[3] en sy massa op sowat 160 000 sonmassas.[4] Dit volg ’n retrograde baan (in ’n teenoorgestelde rigting) in die binneste galaktiese halo wat daarop kan dui dat M30 nie in die Melkweg ontstaan het nie, maar uit ’n ander sterrestelsel kom.[3]
M30 is deur ’n proses wat kerninstorting genoem word, en het nou ’n konsentrasie massa by sy kern van sowat ’n miljoen keer die Son se massa per kubieke parsek. Dit maak dit een van die digste streke in die Melkweg. Sterre wat so dig bymekaar lê, sal ’n hoë mate van interaksie hê wat kan lei tot onder meer die ontstaan van dubbelsterre.[5]
Verwysings
- ↑ Bone, N. M. (August 2008), "Sky notes, 2008 August & September", Journal of the British Astronomical Association 118 (4): 231–232, Bibcode: 2008JBAA..118..231B
- ↑ 2,0 2,1 O'Meara, Stephen James (1998), The Messier objects, Deep-sky companions, Cambridge University Press, p. 108, ISBN 0-521-55332-6, http://books.google.com/books?id=jis4evHuuzUC&pg=PA108
- ↑ 3,0 3,1 Forbes, Duncan A.; Bridges, Terry (May 2010), "Accreted versus in situ Milky Way globular clusters", Monthly Notices of the Royal Astronomical Society 404 (3): 1203–1214, doi:10.1111/j.1365-2966.2010.16373.x, Bibcode: 2010MNRAS.404.1203F
- ↑ Vande Putte, D.; Cropper, Mark (January 2009), "Detecting the effect of globular cluster impacts on the disc of the Milky Way", Monthly Notices of the Royal Astronomical Society 392 (1): 113–124, doi:10.1111/j.1365-2966.2008.14072.x, Bibcode: 2009MNRAS.392..113V
- ↑ Lugger, Phyllis M. et al. (March 2007), "Chandra X-Ray Sources in the Collapsed-Core Globular Cluster M30 (NGC 7099)", The Astrophysical Journal 657 (1): 286–301, doi:10.1086/507572, Bibcode: 2007ApJ...657..286L
Eksterne skakels
|
|
