Mogadiscio (en somalo Muqdisho, popolarmente ciamada Xamar) la xe la cavedal de la Somalia e la sità pi grande del paexe del Corno d’Africa. Mogadiscio la xecostruia su la costa e el porto el xe one de pi importanti de la region.
Storia
Documenti del I secolo d.C. i parla del porto de Mogadiscio. La sità la xe sempre stà on importante sentro par i marcanti del Mar Roso e de l’interno del Corno d’Africa. A lo steso tempo, no bisogna desmentegarse che Mogadishio no la xera la cavedal de i somali, on popolo nomade. La sità no la ga mai avù n’influensa forte su la popolasion locale. I arabi vegnea qi da i tempi pi lontani. I primi eoropei i xe stà i portoghexi. En tel 1871, la sità la xe finia soto el control del sultan de Zanzibar. En tel 1892, i italiani ga afità l’uso de la sità e, pi tardi, i sa ciapà tuto el teritorio e Mogadiscio la xe stà nominà cavedal de la colonia italiana. I italiani ga modernizà el orto e le infrastruture de la sità. En tel 1941, i inglexi ga caturà la sità. I italiani i xe tornà in del 1950. L’indipendenza la xe rivà in tel 1960, ma l’Italia ga mantegnù el controlo de vari ofici fin al 1967.
En tel 1990, le forze ribeli le xe entrà ne la cavedal e el ditator Siad Barre ga dovù scapar in Nigeria. Da quel momento, la sità la ga visto solo che distrusion e morte. El governo provisorio no el xe mai stà bon de verghe on control su la sità.
Economia
El porto de Mogadiscio
Mogadiscio la xe sempre stà on centro de scambi comerciali. Anca ancò, co la guera, Mogadiscio la ga on marcà che funsiona. Fruta e coton i xe esportà a l’estero, eletronici, armi e droghe i xe comercializà libaramente inte la sità.
