Antananarivo la xe la cavedal de el Madagascar; i abitanti locali i le ciama Tana. Antananarivo xe costruia in tel sentro del paexe, a 200 km da el porto de Toamasina. Le industrie rente a la sità iè quele de la trasformasion, tesili e de i tabachi.
Storia
Antananarivo verso el 1905
La cavedal xe stà costruia durante el regno de Andrianjaka. El nome – che vol dir la sità de i mile – vien da el numaro de soldai che i la difendea. En tel 1793, Antananarivo xe stà selta come la cavedal de el regno Merina.
Da on vilagio co costrusion in legno, Anatananarivo la sà trasformà in una sità co costrusion in piera e quarel. I palasi pi importanti i xe i palasi reali, le case de i nobili, le catedrali Catolega e Anglicana, scole e ospedai.
La sità la xe finia soto el control de i francexi in tel 1895. I francexi ga costruio le infrastruture che funsiona oncora ancò.
