Lusaka la xe la cavedal de lo Zanbia. La se cata in tel sud del atipian centrale del paexe. Co na popolasion de 1 200 000 abitanti, Lusaka la xe anca la sità pi granda del paexe.
Storia
Su la colina de Manda, doe ancò ghe el Parlamento del Zanbia, ghera na olta on vilagio. El so cao el se ciamava Lusaaka. I bianchi che i xe rivà qua in tel secolo XIX ga scominsià a costruir le so case tacà a sto vilagio. En tel 1935, Lusaka la xe stà selta come cavedal de la colonia (alora la se ciamava Rhodesia del Nord) ciapando el posto de Livinstone, che la xe al confin co el Zimbabwe (Rhodesia del Sud).
La sità la xe cresuda, specialmente ne i ani sesanta, co el rame – esportasion pi importante del paexe – el costava tanto. Co i schei del rame i xe mancai, Lusaka la ga continuà a cresar, ma specialmente inte le baracopoli. Ne i ultimi ani, s’à visto on milioramento, ligà a lo svilupo pi forte de tta l’economia.
Lusaka el xe on sentro turistico, ruolo che el cresarà co i campionati atletici africani (All African Game) del 2011.
Ligami de fora
- ↑ URL de refarensa: https://www.lcc.gov.zm/about-lusaka-2/.
