Dar es Salaam la xe la cavedal de la Tanzania. El nome el xe de origine araba e el vol dir casa de la pace. El nome originale da la sità el xera Mzizima, forma corta de Mji wa Uzima – sità de la totalità (intesa come posto dove se vive inte el benessere). Co do milioni e mezo de abitanti, Dar es Salaam la xe la sità pi grande de la Tanzania.
Storia
Dar es Salaam la xe sempre stà na zona de marcà tra i abitanti neri e i marcanti arabi-omaniti, indiani e persiani. Anca ancò el porto el xe el pi grande del paexe e tute le esportasion (cafe, cotone, agave, medisine, pel) le pasa d eqi.
El primo eoropeo a rivar qi l’è stà Albert Roscher de Amburgo in tel 1859. En tel 1866, Seyyid Majid, sultano di Zanzibar, ga dato el nome atuale. La sità la xe stà mesa soto el controlo todesco in tel 1887 co l’arivo de la Compagnia de l’Africa Orientale Todesca. La colonia todesca la xe terminà co la prima guera mondiale, co i inglexi ga vinto la batalia de Kisumu e i ga cambià el nome in Tanganica.
Dopo l’indipendensa (1961) el Tanganica el ga fato na federasion co Zanzibar, creando la Tanzania. En tel 1973, el governo de la Tanzania al ga deciso de spostar la cavedal a Dodoma. El cambiamento no el xe mai stato fato del tuto e Dar es Salaam continua a esar la cavedal de facto.
