Bangui, 600 000 abitanti, la xe la cavedal de la Repubblica Centrafricana. La sità la xe costruia longo el fiume Oubangui, in fronte a la sità congolexe de Zongo. Bangui el xe on sentro agricolo e industriale, e anca on porto fluviale.
Storia
Bangui la xe stà fondà in tel 1889 da i francexi e l’è l’unico sentro urbano de na certa grandessa inte el paexe. A l’inisio, Bangui no l’era altro che on fortin dove ghera de i soldà francexi. La zente de la zona ga scominsià a costrui de i vilagi rente al fortin e così sa formà la sità. La majoria de la popolasion del paexe la vive ne la zona de Bangui.
La sità l’è stà de de frecuente in mezo a la violenza, specialmente dopo l’aresto de Jean-Bedel Bokasa, che el se xera proclamà imperatore.
En te i ani novanta, i soldai ga de frecuente fato de i amutinamenti e sachegià la sità. En tel 1997, el grupo de difesa de i diriti umani Mercer Consulting ga meso Bangui a 214° posto su 215 come sità co manco diriti umani. Soltanto Brazzaville, in Congo, xe stà peso.
Zeografia
Bangui xe costruia su le rive nord del fiume Oubangui, poco prima de le rapide che segna la fin del trato navigabile. El fiume se buta in tel fiume Congo rente a Brazzaville. El clima l’è caldo umido tuto l’ano.
Economia
A Bangui se cata la picola industria del paexe: tesile, trasformasion agricola, bira e sapone. El 30% de i citadini no ga laoro.
