Valdivienne es un nom artificiau chausit a l'ocasion de la fusion de las comunas; es una contraccion de vaus de Dive (Diva, afluent de Viena) e de Vienne (Viena/Vinhana). Val + Dive + Vienne es Vau + Diva + Viena en occitan, dont lo toponime equivalent Vaudiviena.
Lo nom de Saint-Martin-la-Rivière s'explica per la referéncia a Sant Martin, en latin Martinus, avesque de Tors au sègle IV, evangelizator de las Gàllias[1], e per la situacion dins la ribièra de Vinhana. Lo nom de Saint-Martin es un indici d'ancianetat (existéncia al primièr millenari, epòca que de glèisas nombrosas èran dedicadas a aquel sant.
Lo nom de Salles-en-Toulon (atestacion Sale au sègle XIV) ven dau mot germanic e mai que mai francic saal (alemand Saal), « cambra [al sens general] », « castèl » « residéncia senhorala fortificada » [2],[3]. -en Toulon
Mòrtamar (fr Morthemer) - Castrum Mortemarum vers 1077; Seguinosus de Mortuomare vers 1080; Engelelmus de Mortemara en 1081; de Mortemare vers 1090; Castrum Mortemaris vers 1090; Ecclesia Sancte Marie que est intra castrum de Mortemaro en 1110; Guillelmus de Mortamare en 1122; Bernardus de Mortemario vers 1156; Mortemer en 1164; ecclesia beate Marie Mortemarensis en 1238; Ecclesia de Mortuomari ; Mortomer en 1379; Mortoumé en 1421; Mortoumer en 1450; Morthomer en 1478; Morthemer en 1515; Mortommer en 1548[4]. Lo nom de Morthemer, coma Mòrtamar (Nauta Vinhana) e los autres Mort(h)emer, pòt venir dau nom de la Mar Mòrta, sovenir de las crosadas, o representar de sanhas (lo resultat dau latin mare pòt prene lo sens de « pesquièr, sompa, nausa, gana, lavanha, clòt, clòta » e l'adjectiu « mòrta » s'aplica a d'aigas estadissas) [5],[6],[7]; Morthemer es dins una comba, d'ancianas sanhas son donc possiblas e s'i vei un estanh restancat.
La Chapela (de Mòrtamar) (fr La Chapelle-Morthemer)- Ecclesia Sanctæ Mariæ de Capella quæ est apud Mortuum Mare extra castrum vers 1095; Cappella supra Mortuum Mare (sens data); Capella de Mortuo Mari en 1383; Capella Mortui Maris en 1478; La Chappelle près Morthemer en 1509; La Chappelle de Mortemer en 1479; La Chapelle Mortemer en 1770; Notre-Dame de la Chapelle-Morthemer en 1782[8]. La chapela (en francés chapelle) èra la partida de l'egleisa de Tors ont se conservava la chapa, o manteu, de Sent Martin, puei la partida d'una egleisa ont èra un autar segondari, puei una egleisa pichona (indici de l'origina modesta de la parròfia); lo determinant Morthemer es lo nom de l'anciana comuna prèpa (la distància entre los dos borgs es de 2 km).
Literie - Literie en 1417; La Litrye en 1564; La Letrie en 1709; la Litterie en 1728[9]
Comunas occitanas de Vinhana (comunas actualas, comunas que caupon de comunas delegadas, ancianas comunas, ancianas comunas vengudas comunas delegadas)
Comunas francofònas de Vinhana (comunas actualas, comunas que caupon de comunas delegadas, ancianas comunas, ancianas comunas vengudas comunas delegadas)
.svg){kind=small}
