L'Ancian Regim (en francés : Ancien Régime) foguèt lo tèrme que los revolucionaris franceses utilizavan per designar negativament lo sistèma de govèrn anterior a la Revolucion Francesa de 1789–1799 (la monarquia absoluda de Loís XVI de França), es a dire, lo mòde d'organizacion sociala que prevalguèt dins lo Reialme de França de la fin del sègle XVIen a la fin del sègle XVIII, e que s'apliquèt tanben a la rèsta de las monarquias europèas que lor regim èra similar a aquel. Lo tèrme opausat a aqueste foguèt lo de Regim Novèl (en Espanha, Regim Liberal). Se pòt tanben aplicar coma equivalent a una epòca que, practicament, coïncidiriá amb l'Edat Modèrna.