Pyrénées-Atlantiques (oksitansk Pirenèus-Atlantics; baskisk Pirinio-Atlantiarrak eller Pirinio-Atlantikoak) er eit departement sørvest i Frankrike. Departementet ligg i regionen Aquitaine-Limousin-Poitou-Charentes og har teke namn frå Pyreneane og Atlanterhavet.
Basses-Pyrénées var eit av dei 83 opphavlege departementa som vart oppretta 4. mars 1790 under den franske revolusjonen. Det vart danna frå delar av den tidlegare provinsane Guyenne, Béarn og Gascogne og inkluderte dei tre historiske provinsane nord i Baskarland: Labourd, Soule og Basse-Navarre.
10. oktober 1969 vart Basses-Pyrénées gjeve namnet Pyrénées-Atlantiques.
Departementet er i dag ein del av regionen Aquitaine og grensar til departementa Landes, Hautes-Pyrénées og Gers, i tillegg til Atlanterhavet og Spania.
Dei største byen er Pau, Biarritz, Bayonne, Anglet og St-Jean-de-Luz.
Innbyggjarane i departementet vert på fransk kalla Bas-Pyrénéens etter det gamle namnet på departementet.
Delar av departementet som var del av Guyenne og Béarn har ein kultur som er kraftig påverka av baskarar.
Både gaskognsk og baskisk språk vert nytta i området. Gaskognsk er ein variant av oksitansk, som ligg nærare katalansk enn fransk. Baskisk er eit isolert språk.