मनोहर जोशी (डिसेंबर २, १९३७ - २३ फेब्रुवारी, २०२४) हे मराठी, भारतीय राजकारणी होते. १४ मार्च, इ.स. १९९५ ते ३१ जानेवारी, इ.स. १९९९ या काळात महाराष्ट्राचे मुख्यमंत्री होते. इ.स. १९९९ ते इ.स. २००२ या काळात भारतीय केंद्रीय मंत्रिमंडळात ते मंत्री होते, तर इ.स. २००२ ते इ.स. २००४ या काळात लोकसभेचे अध्यक्षही होते. ते शिवसेना या राजकीय पक्षाचे सदस्य होते.
पूर्वेतिहास
मनोहर जोशी यांचे बालपण अतिशय गरिबीत गेले.त्यांना दोन वेळच्या जेवणाचीही भ्रांत होती.पनवेलमध्ये महाजन नावाच्या शिक्षिकेने त्यांना सात घरांत नेऊन आठवड्यातील सात दिवसांच्या सात जेवणांची सोय केली. पाचवीच्या वर्गात असताना ते स्वतःच्या पायांवर उभे राहिले.
नंतर मुंबईत आल्यावर महापालिकेत त्यांनी ॲक्टिंग असिस्स्टंट टेंपररी क्लार्कच्या पदावर नोकरीला लागले. परंतु नोकरी करायची नाही, काहीतरी उद्योग करायचा या विचाराने त्यांनी लहानमोठे व्यवसाय केले.मुंबईत [कोहिनुर टेक्निकल इन्स्टिट्यूट] या नावाचे शिकवणीचे वर्ग सुरू केले. पुढे बाळ ठाकरे यांची भेट झाल्यावर दिवस पालटले आणि मनोहर जोशी यांची राजकारणात भरभराट झाली.
मनोहर जोशी यांनी काढलेल्या शैक्षणिक संस्था
- कोहिनूर क्लासेस (दादर-मुंबई,)
- मनोहर जोशी कॉलेज ऑफ आर्ट्‌स, सायन्स अँड कॉमर्स (धारावी-मुंबई)
- कोहिनूर टेक्निकल इन्स्टिट्यूट (मुंबईत अंधेरी, कल्याण, घाटकोपर, दादर, आणि मुंबईबाहेर अकोला, अमरावती, नागपूर, पुणे, रत्‍नागिरी, सांगली वगैरे एकूण ४० ठिकाणी)
- कोहिनूर हॉटेल मॅनेजमेन्ट अँड टूरिझम कॉलेज (दादर-मुंबई), वगैरे वगैरे.
मनोहर जोशी यांनी लिहिलेली पुस्तके
- आयुष्य कसे जगावे? (प्रकाशन - २-१२-२०१६)
संदर्भ
बाह्य दुवे
