PROFILBARU.COM

Приморска Шаранта
Charente-Maritime
Приморска Шаранта; Charente-Maritime
	департман
	Згрдата на префектурата на департманот Приморска Шаранта, во Ла Рошел
Знаме	Грб
	; Местоположба на Приморска Шаранта во Франција
држава	Франција
Регион	Нова Аквитанија
префектура	Ла Рошел
потпрефектури	Жонсак; Рошфор; Сент; Сен Жан д’Анжели
Управа
• Претседател на советот на департманот	Доминик Бисеро (Републиканци)
Површина
• Вкупна	6.864 км2 (2,650 ми2)
Население (2013)
• Вкупно	633.417
• Ранг	39-ти
• Густина	92/км2 (240/ми2)
Час. појас	ЦЕВ (UTC+1)
• Лето (ЛСВ)	ЦЕЛВ (UTC+2)
Број на департманот	17
Арондисмани	5
Кантони	27
Општини	465
	^1 Француски катастар на земјиште кој не ги вклучува естуарите, езерата, вештачките езера и ледниците поголеми од 1 км2.

Приморска Шаранта (француски: Charente-Maritime) – департман на југозападниот брег на Франција кој името го добил според реката Шаранта.

Историја

Претходно дел од Сентонж и Они, Долна Шаранта била еден од 83 првични департмани формирани за време на Француската револуција на 4 март 1790 година. На 4 септември 1941 година, департманот бил преименуван во Приморска Шаранта.

При формирањето, општината Сент била назначена за префектура на департманот (Сент претходно бил главен град на Сентонж). Ова било променето во 1810 година кога Наполеон издал императорски декрет со кој префектурата била пренесена во Ла Рошел.

За време на Втората светска војна, департманот бил заземен од германската армија и станал дел од окупирана Франција. За да обезбеди одбрана од можен настап на плажите, организацијата Тот изградила бројни средства за одбрана во областа. Одбранбени средства како кутии за пилули се особено видливи на плажите на полуостровот Прескил д’Арвер и островот Ил д‘Олерон.

На крајот на војната имало само две упоришта на германскиот отпор: Ла Рошел на север, и Ројан на југ. И покрај тоа што бил скоро целосно уништен од бомбардирањето на британската авијација на 5 јануари 1945 година, градот Ројан бил ослободен од Француското движење на отпорот дури во април истата година. Ла Рошел конечно бил заземен на 9 мај 1945 година.

Географија

Приморска Шаранта е дел од административниот регион Нова Аквитанија. Департманот има површина од 6.864 км² и според податоците од 2012 година имал 628.733 жители.

Важни реки во департманот се Шаранта и нејзините притоки, Бутон и Сењ, како и Севр Ниортез, Седр и Гарона во долниот тек кој е естуар на Жиронда.

Департманот ги опфаќа островите Ил де Ре, Ил д’Екс, Ил д’Олерон, и Ил Мадам.

Приморска Шаранта е опкружена со департманите Жиронда, Шаранта, Де Севр, Дордоња и Вандеја.

Клима

Климата е блага и сончева, со помалку од 900 мм врнежи годишно, а со неверојатно висока инсолација, всушност, највисока во западна Франција, вклучувајќи ги и најјужните приморски одморалишта, како Бијариц. Просечните екстремни температури варираат од 38 °C во лето до -5 °C во зима.

Економија

Економијата на Приморска Шаранта се заснова на три главни сектори: туризмот, поморската индустрија и производството. Коњакот и шарантското пино се два од главните земјоделски производи. Освен нив се произведува пченка и сончоглед.

Во текот на летните месеци, семејства од цела Европа доаѓаат за да уживаат во сонцето и во локалната морска храна. Ројан, популарен по своите плажи и атракции, е еден од најпознатите приморски центри на атлантскиот брег.

Приморска Шаранта е седиште на главниот производител на остриги Марен-Олерон. Остригите одгледувани тука се испраќаат низ цела Европа.

Рошфор е бродоградилиште и е голема француска поморска база од 1665 година.

Ла Рошел е седиште на главната француска индустрија. Во близина на градот е фабрика на францускиот инженерски гигант Алстом, каде што се произведуваат возовите за големи брзини (TGV, Train a Grande Vitesse). Градот е популарно туристичко место, со живописно средновековно пристаниште и градски ѕидини.