Савоја (француски: Savoie; франкопровансалски: Savouè; италијански: Savoia) ― департман во регионот Оверњ-Рона-Алпи во југоисточна Франција. Сместен на Француските Алпи, нејзината префектура е Шамбери. Во 2017 година, Савоја имала население од 431.174 жители.
Заедно со Горна Савоја, тој е еден од двата департмани во историскиот регион Савоја; Војводството Савоја било припоено кон Франција во 1860 година, по потпишувањето на Торинскиот договор. Оваа област е позната по своите многубројни скијачки одморалишта и придонес во француската кујна, со кулинарски специјалитети, како што савојското сирење, тартифлет, ликерот женепи, како и разни видови на пушен колбас.
Историја
Широко е прифатено дека Савоја го добила името од латинскиот Sapaudia или Sabaudia, што значи земја покриена со зимзелени дрвја. Денежната француска Савоја била долго време дел од државите во Савоја; иако започнала во 16 век, била окупирана од Франција неколку пати. Таа била интегриран во департманот Мон Блан од 1792 до 1815 (и делумно во департманот Леман од 1798 до 1814). Покраината била припоена кон Франција во 1860 година. Поранешното Војводство Савоја станал двата департмани на Савоја и Горна Савоја.
Мутје, главен град на поранешната митрополија Тарентешка Долина (француски: Vallée de la Tarentaise), престанала да биде потпрефектура по законот што стапил на сила на 10 септември 1926 година.
Савоја била домаќин на Зимските олимписки игри во 1992 година, со седиште во Албертвил со скијачки настани во Тарентез и Бофортен. Грбот за Савоја бил користен како шема за пламенот во службениот амблем на игрите.[1]
Другата главна алпска долина е Морјен, поврзана со долината Тарентез со два премини, Мадленски Врв и највисокиот превој во Европа, Исерански Врв. Морјенската долина минувала низ Врвот на Мон Сенис, главната комерцијална рута помеѓу Франција и Италија. Таа е една од најдолгите интра-алпски долини на Алпите.
Географија
Савоја е дел од регионот Оверњ-Рона-Алпи, основан на 1 јануари 2016 година. Претходно била дел од Рона-Алпи. Се граничи со департманите Горна Савоја, Ен, Изер и Горни Алпи, покрај Аостинската Долината и метрополската област на Торино во Италија.
Голем дел од Савоја е покриена со планини:
- Масив Мон Блан
- Масив Беледон
- Масив Лозјер
- Масив Егиле д'Арвес
- Серсески Масив
- Арависки Масив
- Масив Мон Сенис
- Масив Боже
- Масив Шартреус
- Масив Ваноаз
- Масив Бофортен
Низ департманот тече реката Изер, која има извор во превојот Исеран. Нејзините две главни езера се Езерото Бурже (најголемото и најдлабокото езеро целосно во Франција) и Езерото Егебелет, едно од најмалку загадените во Франција поради законот од 1976 година, кој забранува употреба на моторни чамци на езерото.
Демографија
Население во минатото| Година | Нас. | ±% |
|---|
| 1861 | 275,039 | — |
|---|
| 1872 | 267,958 | −2.6% |
|---|
| 1881 | 266,438 | −0.6% |
|---|
| 1891 | 263,297 | −1.2% |
|---|
| 1901 | 254,781 | −3.2% |
|---|
| 1911 | 247,89 | −2.7% |
|---|
| 1921 | 225,034 | −9.2% |
|---|
| 1931 | 235,544 | +4.7% |
|---|
| 1936 | 239,115 | +1.5% |
|---|
| 1946 | 235,965 | −1.3% |
|---|
| 1954 | 252,192 | +6.9% |
|---|
| 1962 | 266,678 | +5.7% |
|---|
| 1968 | 288,921 | +8.3% |
|---|
| 1975 | 305,118 | +5.6% |
|---|
| 1982 | 323,675 | +6.1% |
|---|
| 1990 | 348,261 | +7.6% |
|---|
| 1999 | 373,258 | +7.2% |
|---|
| 2006 | 403,1 | +8.0% |
|---|
| 2011 | 418,949 | +3.9% |
|---|
| 2016 | 429,681 | +2.6% |
|---|
Жителите на Савоја се познати како Савојарци (француски Savoyards), иако тие исто така можат да се наречат Савоазиенс (Savoisiens; историското име) или Савојенс (Savoyens).
Главни градови:
- Шамбери: население 56.835 (агломерациски 209.535, од кои 12.254 се во Ла Мот-Серволекс)
- Екс-ле-Бејн: население 27.095 (44.490 агломерациски)
- Албертвил: население 18,906 (43,225 агломерациски)
- Сен-Жан-де-Морјен: население 8.507 (11.889 агломерациски)
Поврзано
Историја
Јазик
Наводи
Надворешни врски
.JPG)
.jpg)
.jpg)
