PROFILBARU.COM

Лондон
Лондон; London
	Колаж на знаменитости на Лондон:
	Лондон ЛондонМестоположба во Британија
	Координати: 51°30′26″N 0°7′39″W / 51.50722°N 0.12750°W
Држава	Обединето Кралство
Земја	Англија
Регион	Голем Лондон
Основан од Римјаните	~ 43 г. (како Лондиниум)
Грофовии	Сити и Голем Лондон
Окрузи	Сити и 32 окрузи
Управа
• Вид	Самоуправа
• Орган	Управа на Голем Лондон
• Тело	Собрание на Лондон
• Градоначалник	Садик Кан
• Собрание	14 изб. един.
• Парламент	74 изб. един.
• Европски парламент	Лондонска изб. един.
Површина
• Голем Лондон	1.572 км2 (607 ми2)
• Градска	1.737,9 км2 (6,710 ми2)
• Метро	8.382 км2 (3,236 ми2)
Надм. вис.	35 м
Население (2014)
• Голем Лондон	8,538,689
• Густина	5,432/км2 (14,07/ми2)
• Градска	9,787,426
• Метро	13,879,757
Час. појас	GMT (UTC)
• Лето (ЛСВ)	BST (UTC+1)
Пошт. бр.	вкуп. 22: E, EC, N, NW, SE, SW, W, WC, BR, CM, CR, DA, EN, HA, IG, KT, RM, SM, TN, TW, UB, WD ;
Повик. бр.	вкуп. 9: 020, 01322, 01689, 01708, 01737, 01895, 01923, 01959, 01992 ;
GeoTLD	.london
Мреж. место	London.gov.uk

Лондон (англиски: London) — главен град на Англија и на Обединетото Кралство, а според некои пресметки, воедно е и најголемиот град во Обединетото Кралство и најголемата урбанизирана зона во Европска Унија. Се наоѓа на реката Темза на подрачје каде постојат неселби веќе два милениуми. Историјата на Лондон почнува уште од времето на Римското Царство кога се смета дека бил основан од страна на Римјаните кои го нарекле Лондиниум.^[3] Античкото јадро на Лондон во голема мера ги има задржано своите граници. Од периодот на 19. век, името Лондон започнало да се однесува и на делот од градот кој се развивал околу јадрото.^[4] Лондон е еден од водечките глобални градови, со развиена уметност, трговија, образование, забава, мода, финансии, здравство, медиуми, професионални услуги, истражување и развој, туризам и транспортот кои придонесуваат за неговата важност.^[5]

Лондон е важно културно, економско и образовно средиште во Европа и во светот, а со него се Париз, Њујорк, Токио, се смета за еден од светските центри. Избран е за град-домаќин на Летните олимписки игри во 2012 г.

Лондон како тема во уметноста и во популарната култура

Лондон како тема во книжевноста

„Пикадили циркус“ — кус расказ на австрискиот писател Томас Берхнард од 1978 година.^[6]
„Без скршена пара во Париз и во Лондон“ — книга на британскиот писател Џорџ Орвел од 1933 година.^[7]
„Лондонскиот мост“ — книга на францускиот писател Луј-Фердинанд Селин од 1964 година.^[8]
„Мисија Лондон“ — роман на бугарскиот писател Алек Попов.^[9]

Во романот „Сликата на Доријан Греј“, Оскар Вајлд го опишува Лондон како сив, со милионско население, со валкани грешници и со блескави гревови.^[10]

Лондон како тема во музиката

„Улиците на Лондон“ (англиски: Streets of London) — песна на британската панк-рок група Anti Nowhere League од 1982 година.^[11]
„Маглив ден“ (англиски: A Foggy Day) — популарна песна на композиторот Џорџ Гершвин (George Gershwin) и текстописецот Ајра Гершвин (Ira Gershwin) од 1937 година.^[12]
„Лондон“ — песна на босанската рок-група Дивље јагоде од 1988 година.^[13]
„Лондон гори“ (англиски: London's Burning) — песна на британската панк-рок група Клеш (Clash) од 1977 година.^[14]
„Лондон повикува“ (англиски: London Calling) — песна и албум на Клеш од 1979 година.^[15]
„Пиштолите од Брикстон“ (англиски: The Guns Of Brixton) — песна на Клеш од 1979 година.^[16]
„(Не сакам да одам во) Челси“ (англиски: (I Don't Want To Go To) Chelsea) — песна на британскиот рок-музичар Елвис Костело (Elvis Costello) од 1978 година.^[17]
„Утро во Челси“ (англиски: Chelsea Morning) — песна на канадската музичарка Џони Мичел (Joni Mitchell) од 1969 година.^[18]
„Мрачните улици на Лондон“ (англиски: Dark Streets of London) — песна на ирската рок-група Поугс (The Pogues) од 1984 година.^[19]
„Приспивна песна за Лондон“ (англиски: Lullaby of London) — песна на Поугс од 1988 година.^[20]
„Пикадили“ (англиски: Piccadilly) — песна на британската рок-група Сквиз (Squeeze) од 1981 година.^[21]
„Лондон“ (англиски: London) — песна на британската група Смитс (Smiths) од 1987 година.^[22]
„Пикадили циркус“ (англиски: Piccadilly Circus) — песна на северноирската панк-рок група Стиф литле фингерс (Stiff Little Fingers) од 1981 година.^[23]
„Лондонскиот сообраќај“ (англиски: London Traffic) — песна на британската рок-група The Jam од 1977 година.^[24]
„Лондонска девојка“ (англиски: London Girl) — песна на The Jam од 1977 година.^[24]
„Џефри оди на плоштадот Лестер“ (англиски: Jeffrey Goes To Leicester Square) — песна на британската рок-група Џетро тал (Jethro Tull) од 1969 година.^[25]